ଢେଙ୍କାନାଳ,୧୧ା୯(ରତନ ନାୟାର): ପୁରୀରୁ ଢେଙ୍କାନାଳ ଦେଇ ବନ୍ଦେ ଭାରତ ଏକ୍ସପ୍ରେସ୍ ଟ୍ରେନ ପରୀକ୍ଷାମୂଳକ ଭାବେ ସୋମବାର ତାଳଚେର ରୋଡ୍ ପର୍ଯ୍ୟନ୍ତ ଗଡ଼ିଛି। ପୁରୀରୁ ଏହି ଟ୍ରେନ ଟି ଆଗାମି ଦିନରେ ରାଉରକେଲା ଅଭିମୁଖେ ଚାଲିବ ବୋଲି ଜଣାପଡିଛି। ପରୀକ୍ଷାମୂଳକ ଭାବେ ଏହି ଟ୍ରେନଟି ପୁରୀରୁ ଆଜି ସକାଳ ୯. ୩୦ ମିନିଟ୍ରେ ବାହାରି ଖୋର୍ଦ୍ଧା, ଭୁବନେଶ୍ୱର, କଟକ ଓ ଢେଙ୍କାନାଳ ଦେଇ ତାଳଚେର ଅଭିମୁଖେ ଯାଇଥିଲା। ମଧ୍ୟାହ୍ନ ୧୨ଟାରେ ଢେଙ୍କାନାଳ ରେଳ ଷ୍ଟେଶନରେ ପହଞ୍ଚି ୧୨ ଟା ୨ ମିନିଟ୍ରେ ତାଳଚେର ଅଭିମୁଖେ ଯାତ୍ରା କରିଛି। ଷ୍ଟେଶନରେ ବନ୍ଦେ ଭାରତ ଏକ୍ସପ୍ରେସ୍କୁ ଦେଖିବା ପାଇଁ ବହୁ ଲୋକଙ୍କ ସମାଗମ ହୋଇଥିଲା।