ନୂଆଦିଲ୍ଲୀ,୭।୧ : ହରିୟାଣାର ପାନିପତରୁ କଂଗ୍ରେସର ଭାରତ ଯୋଡା ଯାତ୍ରା ଶନିବାର ସକାଳେ କର୍ନଲ ଜିଲ୍ଲାରେ ପହଞ୍ଚିଛି। ଏହି ସମୟରେ ରାହୁଲ ଗାନ୍ଧୀଙ୍କ ସହ କଂଗ୍ରେସର ଅନ୍ୟ ବରିଷ୍ଠ ନେତାମାନେ ଅଂଶଗ୍ରହଣ କରିଥିଲେ। ଏହି ସମୟରେ କଂଗ୍ରେସର ବରିଷ୍ଠ ନେତା ଜୟରାମ ରମେଶ କହିଛନ୍ତି ଯେ ୨୦୨୪ ସାଧାରଣ ନିର୍ବାଚନରେ ରାହୁଲ ଗାନ୍ଧୀଙ୍କୁ ପ୍ରଧାନମନ୍ତ୍ରୀ ପ୍ରାର୍ଥୀ ଭାବରେ ପ୍ରୋଜେକ୍ଟ କରିବା ଭାରତ ଯୋଡୋ ଯାତ୍ରାର ଉଦ୍ଦେଶ୍ୟ ନୁହେଁ।
ଏହା ଏକ ଆଦର୍ଶଗତ ଯାତ୍ରା, ଯାହାର ମୁଖ୍ୟ ଚେହେରା ହେଉଛନ୍ତି ରାହୁଲ ଗାନ୍ଧୀ। ସେ କହିଛନ୍ତି ଯେ ଏହି ଭାରତ ଯୋଡୋ ଯାତ୍ରା କୌଣସି ବ୍ୟକ୍ତିଙ୍କ ଯାତ୍ରା ନୁହେଁ। ଅଲିମ୍ପିକ ପଦକ ବିଜେତା ବିଜୟନ୍ଦର ସିଂ ଏବଂ ବରିଷ୍ଠ କଂଗ୍ରେସ ନେତା ଭୁପିନ୍ଦର ସିଂ ହୁଡା ଏବଂ ରଣଦୀପ ସିଂ ସୁରଜେ ୱାଲା ମଧ୍ୟ କର୍ନଲର ଭାରତ ଯୋଡୋ ଯାତ୍ରାରେ ଅଂଶଗ୍ରହଣ କରିଛନ୍ତି।
ଜୟରାମ ରମେଶ ହରିୟାନ ଦୃଢ଼ୋକ୍ତି ପ୍ରକାଶ କରିଛନ୍ତି ଯେ କନ୍ୟାକୁମାରୀରୁ କଶ୍ମୀରର ପଦଯାତ୍ରା ପର୍ଯ୍ୟନ୍ତ ରାହୁଲ ଗାନ୍ଧୀ ତିନୋଟି ପ୍ରମୁଖ ପ୍ରସଙ୍ଗ ଉଠାଇଛନ୍ତି, ଯେଉଁଥିରେ ଅର୍ଥନୈତିକ ଅସମାନତା, ସାମାଜିକ ଧ୍ରୁବିକରଣ ଏବଂ ରାଜନୈତିକ କ୍ଷମତାସୀନତା ଆଦି ରହିଛି।
