ଜୟପୁର,୪।୧୨: କଂଗ୍ରେସର ଭାରତ ଯୋଡୋ ଯାତ୍ରା ରବିବାର ମଧ୍ୟପ୍ରଦେଶରୁ ରାଜସ୍ଥାନର ଝାଲାୱାରରେ ପ୍ରବେଶ କରିଛି। ଏଠାରେ କଂଗ୍ରେସର ପୂର୍ବତନ ସଭାପତି ରାହୁଲ ଗାନ୍ଧୀଙ୍କୁ ଜୋରଦାର ସ୍ବାଗତ କରାଯାଇଛି। କେବଳ ଏତିକି ନୁହେଁ, ରାହୁଲ ଗୋଟିଏ ମଞ୍ଚରେ ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ, ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ କମଲ ନାଥଙ୍କ ସହ ପାରମ୍ପରିକ ଆଦିବାସୀ ନୃତ୍ୟ କରୁଥିବା ଦେଖିବାକୁ ମିଳିଥିଲା। ଏହି ୩ ନେତା ପରସ୍ପରର ହାତ ଧରି ନୃତ୍ୟ କରିଥିଲେ।
ସୂଚନାଯୋଗ୍ୟ, ଭାରତ ଯୋଡୋ ଯାତ୍ରା ମଧ୍ୟପ୍ରଦେଶର ଆଗର ମାଲୱା ଜିଲା ଠାରୁ ଚାନୱାଲି ନଦୀ ଉପରେ ନିର୍ମିତ ବ୍ରିଜ ପାର ହୋଇ ସନ୍ଧ୍ୟା ପ୍ରାୟ ୬.୪୦ ସମୟରେ ପଡୋଶୀ ରାଜ୍ୟ ରାଜସ୍ଥାନରେ ପ୍ରବେଶ କରିଥିଲା। ରାଜସ୍ଥାନରେ ପ୍ରବେଶ ସମୟରେ କଂଗ୍ରେସର ମଧ୍ୟପ୍ରଦେଶ ୟୁନିଟ ସଭାପତି କମଲ ନାଥ ଏବଂ ଦଳର ଅନ୍ୟ ନେତାମାନେ ରାହୁଲ ଗାନ୍ଧୀଙ୍କ ସହ ଯାଇଥିଲେ। ଦଳୀୟ କର୍ମୀଙ୍କ ବ୍ୟତୀତ ସ୍ଥାନୀୟ ଲୋକମାନେ ରାହୁଲଙ୍କୁ ସ୍ବାଗତ କରିବା ପାଇଁ ରାସ୍ତାର ଉଭୟ ପାର୍ଶ୍ୱରେ ଧାଡିରେ ଠିଆ ହୋଇଥିଲେ।
#WATCH झालावाड़ (राजस्थान): कांग्रेस पार्टी की 'भारत जोड़ो यात्रा' मध्य प्रदेश से राजस्थान में प्रवेश की। इस दौरान कांग्रेस सांसद राहुल गांधी, कांग्रेस नेता कमलनाथ और मुख्यमंत्री मुख्यमंत्री अशोक गहलोत ने नृत्य किया। pic.twitter.com/5vlLETkCAO
— ANI_HindiNews (@AHindinews) December 4, 2022
