ନୂଆଦିଲ୍ଲୀ,୨୪ ।୧୨: ରାହୁଲ ଗାନ୍ଧୀଙ୍କ ଅଧ୍ୟକ୍ଷତାରେ ଆରମ୍ଭ କରାଯାଇଥିବା ଭାରତ ଯୋଡୋ ଯାତ୍ରା ଶନିବାର ଦିଲ୍ଲୀରେ ଜନତାଙ୍କୁ ଏକାଠି କରାଇବାକୁ ଚେଷ୍ଟା କରିବ । ଏହି ଯାତ୍ରା ଇଣ୍ଡିଆ ଗେଟ ହୋଇ ଲାଲକିଲା ଯିବାର କାର୍ଯ୍ୟକ୍ରମ ରହିଛି । କଂଗ୍ରେସର ବରିଷ୍ଠ ନେତା ଜୟରାମ ରମେଶ, ବେଣୁଗୋପାଳ ଓ ଦିଗବିଜୟ ସିଂ ସଫା ସଫା ମନା କରି ଦେଇଥିଲେ ଯେ ଇଣ୍ଡିଆ ଗେଟ ନହୋଇ ଭାରତ ଯୋଡୋ ଯାତ୍ରା ଲାଲକିଲା ଯିବନାହିଁ । ଏହାପରେ ଦିଲ୍ଲୀ ପୋଲିସ ଅଧିକାରୀଙ୍କ ସହ ଏକ ବୈଠକ କରାଯାଇଥିଲା ଓ ଏଥିରେ ଯାତ୍ରାର ରୁଟରେ କିଛିଟା ପରିବର୍ତ୍ତନ କରାଯାଇଥିଲା । ଏହାକୁ ଦିଲ୍ଲୀ ପୋଲିସ ଅଧିକାରୀ ଅନୁମତି ପ୍ରଦାନ କରିଥିଲେ । ଦିଲ୍ଲୀ ଟ୍ରାଫିକ ପୋଲିସ ସୂଚନା ଅନୁଯାୟୀ, କଂଗ୍ରେସର ଭାରତ ଯୋଡୋ ଯାତ୍ରାକୁ ଦୃଷ୍ଟିରେ ରଖି ଶନିବାର ଦିଲ୍ଲୀର ବଦରପୁର ବର୍ଡରରୁ ଲାଲ କିଲା ପର୍ଯ୍ୟନ୍ତ ଟ୍ରାଫିକ ଜାମ ରହିବା ଅନୁମାନ କରାଯାଉଛି । ସେଥିପାଇଁ ଏହି ରାସ୍ତାରେ କମ ଯାହାଆସ କରିବା ସହ ସାର୍ବଜନିକ ପରିବହନ ଯାନ ଅଧିକ ବ୍ୟବହାର କରିବାକୁ ପରାମର୍ଶ ଦେଇଛି ପୋଲିସ ।
