ଭୁବନେଶ୍ୱର,୨୯।୫: ଭାରତୀ ଆକ୍ସା ଲାଇଫ୍ ଇନ୍ସ୍ୟୁରାନ୍ସର ବହୁ ପ୍ରତୀକ୍ଷିତ ତଥା ଆଧୁନିକ ଜ୍ଞାନକୌଶଳରେ ଡିଜାଇନ କରାଯାଇଥିବା ‘ପ୍ରୋଜେକ୍ଟ ସର୍ବ-ଓ-ତମ’ ଗ୍ରାହକମାନଙ୍କୁ ନିରବଚ୍ଛିନ୍ନ ସେବା ଯୋଗାଉଛି। ବିଶେଷ କରି ଗ୍ରାହକମାନଙ୍କୁ ନିରବଚ୍ଛିନ୍ନ ସେବା ପ୍ରଦାନ କରିବା ଲାଗି କମ୍ପାନୀର ରହିଥିବା ପ୍ରତିବଦ୍ଧତା ଅନୁସାରେ ଭାରତୀ ଆକ୍ସା ଲାଇଫ୍ ଇନ୍ସ୍ୟୁରାନ୍ସ ନିରନ୍ତର ଭାବେ ତା’ର ଡିଜିଟାଲ୍ ଦକ୍ଷତାକୁ ବଢ଼ାଉଛି। ଫଳରେ କମ୍ପାନୀ ‘ପ୍ରୋଜେକ୍ଟ ସର୍ବ-ଓ-ତମ’ର ପ୍ରଥମ ପର୍ଯ୍ୟାୟକୁ ସଫଳତାର ସହ ଶୁଭାରମ୍ଭ କରି ନିକଟରେ ମଧ୍ୟ ସମାପନ କରିଛି। ଯେଉଁଥିରେ ୨୦ଟି ପଲିସିକୁ ପୁନର୍ମାର୍ଜିତ ଏବଂ ପ୍ରତ୍ୟକ୍ଷ ସେବାରୁ ଡିଜିଟାଲ୍ ସେବା ପର୍ଯ୍ୟନ୍ତ ୩୬୦ ଡିଗ୍ରୀ ରୂପାନ୍ତରଣ କରାଯାଇଛି। ଏପରିକି ଗ୍ରାହକମାନେ କେବଳ ଗୋଟିଏ କ୍ଲିକ୍ରେ ପଲିସି ସମ୍ବନ୍ଧୀୟ ସମସ୍ତ ସେବା ପାଇପାରୁଛନ୍ତି। ଏ ସମ୍ପର୍କରେ ଭାରତୀୟ ଆକ୍ସା ଲାଇଫ୍ ଇନ୍ସ୍ୟୁରାନ୍ସର ମୁଖ୍ୟ ଗ୍ରାହକ ଅଧିକାରୀ ଓ ଡିଜିଟାଲ୍ ବ୍ୟବସାୟ ମୁଖ୍ୟ ନୀତିନ ମେହତା କହିଛନ୍ତି, କମ୍ପାନୀର ମୂଲ୍ୟବାନ ଗ୍ରାହକମାନଙ୍କ ଲାଗି ବୀମାକୁ ସହଜ କରିବାରେ ଆମର ମିଶନ ସହିତ ପ୍ରୋଜେକ୍ଟ ସର୍ବ-ଓ-ତମ ଉପଯୁକ୍ତ ଭାବେ ଖାପ ଖାଉଛି। ଫଳରେ ଆମର ପ୍ରଭାବୀ ସେବା ପାଇଁ ଆମେ ସକାରାତ୍ମକ ମତାମତ ହାସଲ କରିଛୁ ଏବଂ ଆମ ଗ୍ରାହକ ପୋର୍ଟାଲ ପାଇଁ ନେଟ୍ ପ୍ରମୋଟର ସ୍କୋରରେ ୩୦% ଉନ୍ନତି ଘଟିଛି। ସେହିଭଳି ଭାରତୀୟ ଆକ୍ସା ଲାଇଫ୍ ଇନ୍ସ୍ୟୁରାନ୍ସର ମୁଖ୍ୟ ପ୍ରଯୁକ୍ତି ଅଧିକାରୀ ପଙ୍କଜ ଗୁପ୍ତା କହିଛନ୍ତି, ଆମେ ଆମର ଡିଜିଟାଲ୍ ସେବା ଜରିଆରେ ଗ୍ରାହକଙ୍କ ଅନୁଭୂତିରେ ଉନ୍ନତି ଆଣିବାକୁ ପ୍ରତିବଦ୍ଧ ରହିଛୁ। ବିଶେଷ କରି ଡିଜିଟାଲ୍ ଦକ୍ଷତାରେ ନିବେଶ କରି ଆମେ ଗ୍ରାହକ ଯାତ୍ରା ଏବଂ ପ୍ରଶ୍ନ ସମାଧାନ ସମୟରେ ଉନ୍ନତି ଆଣିବାରେ ସଫଳ ହୋଇଥିବା ବେଳେ ଠକେଇ ବିପଦର ମୁକାବିଲା କରିପାରିଛୁ।