ବମ୍ବେ: ଅନେକ ଦିନ ବ୍ୟବଧାନ ପରେ ଟେଲି ପରଦାକୁ ଫେରୁଛି ଲୋକପ୍ରିୟ କମେଡି ଶୋ’ ‘ଦ କପିଲ ଶର୍ମା ଶୋ’। ସେପ୍ଟେମ୍ବର ୧୦ରୁ ପ୍ରତି ଶନିବାର ଏବଂ ରବିବାର ଦର୍ଶକେ ଏହାକୁ ଦେଖିପାରିବେ। ନିକଟରେ ଏହାର କିଛି ପ୍ରମୋ ନଜର ଆସୁଛି। ନୂଆ ସିଜିନ୍ରେ ଦେଖିବାକୁ ମିଳିଛି କିଛି ନୂଆ ଚେହେରା। ହେଲେ କିଛି ପୁରୁଣା ଚେହେରା ଗାଏବ ହେବା ପରି ମନେ ହେଉଛି। ଯେମିତିକି କମେଡିକୁଇନ୍ ଭାରତୀ ସିଂହ।
ଭାରତୀ ପ୍ରମୋରେ ନଜର ନ ଆସିବା ପରେ ସେ ଶୋ’ ଛାଡ଼ିଥିବା ନେଇ ଚର୍ଚ୍ଚା ଜୋର ଧରିଥିଲା। ମାତ୍ର ଭାରତୀ ଏବେ ଏହା ପଛର କାରଣ କହିଛନ୍ତି। ଶୋ’ ପୂର୍ବରୁ ତାଙ୍କୁ ଅଧିକ ଦିନର ବିରତି ଲୋଡ଼ା ଥିଲା। କାହିଁକିନା ଅନ୍ୟ ଶୋ’ ପାଇଁ ଚୁକ୍ତି ରହିଛି। ଏମିତିରେ ସେମାନେ ବିଦେଶରୁ ଫେରି ଶୋ’କୁ ଆରମ୍ଭ କରିବାକୁ ଯାଉଛନ୍ତି। ଅନ୍ୟ ସ୍ଥାନରେ କଥା ଦେଇଥିବାରୁ ସେଠାକୁ ଫେରିହେବ ନାହିଁ। ‘ସା ରେ ଗା ମା ପା’ରେ ସେ ନଜର ଆସିବେ। ଉଭୟଙ୍କ ଶୁଟିଂ ସମୟ ମଧ୍ୟ ସମାନ ନ ହେଲେ ମଝିରେ ମଝିରେ ସେ ଶୋ’ରେ ନଜର ଆସିବେ। ଏହାଛଡ଼ା ସେ ଏବେ ଜଣେ ମା’। ଏଥିଲାଗି ପ୍ରତିଟି ଶୋ’ରେ ନଜର ଆସିବାର ଅଭ୍ୟାସ କେହି ପକାନ୍ତୁ ନାହିଁ, ମଝିରେ ମଝିରେ କିନ୍ତୁ ସେ ନଜର ଆସିବେ ବୋଲି ଭାରତୀ କହିଛନ୍ତି।
