ବହୁ ବର୍ଷ ଧରି ବଲିଉଡରେ ନେପୋଟିଜିମ୍ ପ୍ରସଙ୍ଗକୁ ନେଇ ବିତର୍କ ହୋଇଥିଲା ଏବଂ ପରେ ଏହା ଶାନ୍ତ ପଡ଼ିଥିଲା। ମାତ୍ର ଅଭିନେତା ସୁଶାନ୍ତ ସିଂ ରାଜପୁତଙ୍କ ମୃତ୍ୟୁପରେ ପୁଣି ଥରେ ନେପୋଟିଜିମ୍ ଉପରେ ଏକ ବଡ଼ ବିତର୍କ ଆରମ୍ଭ ହୋଇଛି। ଅନେକ ବଡ କଳାକାରଙ୍କ ସହ ଲୋକମାନେ ଏହା ଉପରେ ପ୍ରତିକ୍ରିୟା ରଖୁଛନ୍ତି। ଏହି ସମୟରେ ଭୋଜପୁରୀ ଅଭିନେତ୍ରୀ ଅକ୍ସରା ସିଂ ମଧ୍ୟ ଏହି ବିତର୍କକୁ ଡେଇଁଛନ୍ତି ଏବଂ ଏହାକୁ ନେଇ ଅନେକ ପ୍ରଶ୍ନ ଉଠାଇଛନ୍ତି।
ସେ ଏକ ଭିଡିଓ ଶେୟାର କରି କହିଛନ୍ତି ଷ୍ଟାର କିଡ୍ସମାନେ ସହଜରେ ଇଣ୍ଡଷ୍ଟ୍ରିରେ ପ୍ରବେଶ କରିବାର ସୁଯୋଗ ପାଇଥନ୍ତେି। ଯେଉଁମାନେ କଳାକାର ହେବାକୁ ଚାହାଁନ୍ତି, ଯେଉଁମାନେ ଦକ୍ଷ, ସେମାନଙ୍କୁ ସୁଯୋଗ ମିଳିବା ଉଚିତ୍। ସଫଳ କଳାକାରଙ୍କ ପିଲାମାନେ ମଧ୍ୟ ସଂଘର୍ଷ କରିବା ଉଚିତ୍।
ଅକ୍ସରା ଏହା ମଧ୍ୟ କହିଛନ୍ତି ଯେ, ଭୋଜପୁରୀ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ଦଳଗତ ବହୁତ ଥିଲା । ସେ କହିଛନ୍ତି ଯେତେବେଳେ ମୁଁ ଏଠାକୁ ଆସିଥିଲି, ଯଦି ମୁଁ ଅନ୍ୟ ଜଣେ ହିରୋଙ୍କ ସହ କାମ କରୁଛି, ତେବେ ଅନ୍ୟ ହିରୋ ମୋ ସହ କାମ କରିବାକୁ ମନା କରିବେ। ଏହା ପରେ କୁହାଯାଇଥିଲା ଯେ ସେ ସେହି ଦଳର ହିରୋଇନ। ମୋତେ ଅନେକ ଚଳଚ୍ଚିତ୍ରରୁ ବରଖାସ୍ତ କରାଯାଇଥିଲା । ସେହି ସମୟରେ ପୁରା ଫିଲ୍ମ ଇଣ୍ଡଷ୍ଟ୍ରି ଗୋଟିଏ ପଟେ ଥିଲା।
ସେ ଏହା କହିଛନ୍ତି ଯେ, ମୋ ସାମ୍ନାରେ ଏପରି ପରିସ୍ଥିତି ସୃଷ୍ଟି ହୋଇଥିଲା ମୁଁ ଆତ୍ମହତ୍ୟା ଭଳି ସ୍ଥିତିରେ ପହଞ୍ଚିଥିଲି। ସେତେବେଳେ ମୋତେ କେହି ସମର୍ଥନ କରି ନ ଥିଲେ। ମୁଁ ଅନେକ ଅସୁବିଧାର ସମ୍ମୁଖୀନ ହେଉଥିଲି। ଯେତେବେଳେ ତୁମେ ଜୀବିତ, ତୁମ ପାଖକୁ କେହି ଆସନ୍ତି ନାହିଁ । କିନ୍ତୁ ଯେତେବେଳେ ଲୋକମାନେ ମରନ୍ତି, ସେମାନେ ଏକ ମହମବତୀ ଛାଡ଼ିି ଚାଲିଯାଆନ୍ତି। ମୁଁ ଆଜି ମଧ୍ୟ ଯୁଦ୍ଧ କରୁଛି।
ସୁଶାନ୍ତଙ୍କ ମୃତ୍ୟୁ ପରେ ଅକ୍ସରା ସିଂ ତାଙ୍କ ଘରେ ପହଞ୍ଚି ତାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ। ଏହା ସହିତ ସେ ସୁଶାନ୍ତଙ୍କ ବାପା କେ.କେ ସିଂଙ୍କୁ ଭେଟିଥିଲେ। ଏହି ସମୟରେ ଅକ୍ସରା କାନ୍ଦି କହିଥିଲେ ବହୁତ ସୁନ୍ଦର ବ୍ୟକ୍ତି ଚାଲିଯାଇଛନ୍ତି।