ଭୋଜପୁରୀର ହଟ୍ ଏବଂ ବୋଲ୍ଡ ଅଭିନେତ୍ରୀ ରାନୀ ଚାଟାର୍ଜୀ ନିଜର ଫିଲ୍ମ ଏବଂ ଅଭିନୟକୁ ନେଇ ସବୁବେଳେ ଚର୍ଚ୍ଚାରେ ରହିଥାନ୍ତି। ଭୋଜପୁରୀ ସିନେମାରେ ସଫଳ ହେବା ପରେ ଏବେ ରାନୀ ବଲିଉଡ୍ ମୁହାଁ ହୋଇଛନ୍ତି। ବଲିଉଡ୍ରେ କାମ କରିବାକୁ ଚାହୁଁଥିବା ସେ ଅନେକ ଥର କହିସାରିଛନ୍ତି। ସବୁବେଳେ ସୋସିଆଲ ମିଡିଆରେ ଆକ୍ଟିଭ ରହୁଥିବା ରାନୀଙ୍କ ଲାଇଫ୍ପାର୍ଟନର ବିଷୟରେ ଜାଣିବା ପାଇଁ ପ୍ରଶଂସକ ସବୁବେଳେ ଇଚ୍ଛା ପ୍ରକାଶ କରିଆସିଛନ୍ତି।
ତେବେ ରାନୀଙ୍କ କିଛି ପୂରୁଣା ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏଥିରେ ତାଙ୍କୁ ବୋହୂ ବେଶରେ ଦେଖିବାକୁ ମିଳୁଛି। ରାନୀଙ୍କ ଏହି ଲେହେଙ୍ଗାର ଓଜନ ୧୮ କେଜି। ୧୮ କେଜି ଓଜନର ଏହି ଲେହେଙ୍ଗାରେ ରାନୀଙ୍କ ବୋହୂ ରୂପକୁ ଦର୍ଶକ ବେସ୍ ପସନ୍ଦ ମଧ୍ୟ କରୁଛନ୍ତି। ଗୋଲାପି ରଙ୍ଗର ଏହି ଲେହେଙ୍ଗା ସାଙ୍ଗକୁ ରାନୀ ଧଳା ଏବଂ ଗୋଲାପି ରଙ୍ଗର ଅଳଙ୍କାର ପିନ୍ଧିଛନ୍ତି। ତେବେ ରାନୀ ଜଣେ ଟିଭି କଳାକାରଙ୍କ ସହ ରିଲେଶନସିପ୍ରେ ଥିବା କିଛି ଦିନ ତଳେ କହିଥିଲେ। ମାତ୍ର ତାଙ୍କ ନାମ ସେ ପ୍ରକାଶ କରି ନ ଥିଲେ। ସମୟ ଆସିଲେ ସମସ୍ତେ ଜାଣିପାରିବେ ବୋଲି ସେ କହିଥିଲେ। ଏହା ପରଠାରୁ ସେ ବ୍ୟକ୍ତିଜଣଙ୍କ କିଏ ତାହା ଜାଣିବାକୁ ସମସ୍ତେ ଚାହିଁ ବସିଛନ୍ତି।