କୋଲକତା,୧୩।୩: ନିକଟରେ ପଶ୍ଚିମବଙ୍ଗର ଆସନସୋଲରୁ ନିର୍ବାଚନ ଲଢିବେନି ବୋଲି ମନା କରିଥିଲେ ଭୋଜପୁରୀ ଷ୍ଟାର ପଓ୍ବନ ସିଂ। ହେଲେ ବୁଧବାର ନିର୍ବାଚନ ଲଢିବା ନେଇ ସେ ଘୋଷଣା କରିଛନ୍ତି। ଏକ୍ସ’ରେ ଟ୍ବିଟ୍ କରି ସେ କହିଛନ୍ତି, ‘ଜନତା ଜନାର୍ଦ୍ଦନ ଓ ମା’ କୁ ଦେଇଥିବା ପ୍ରତିଶ୍ରୁତିକୁ ପାଳନ କରିବା ପାଇଁ ଏଥର ମୁଁ ନିର୍ବାଚନ ଲଢିବି। ଆପଣ ସମସ୍ତଙ୍କର ଆଶୀର୍ବାଦ ଓ ସହଯୋଗ ଲୋଡା। ଜୟ ମାତା ଦି’।
मैंअपने समाज जनता जनार्दन और माँ से किया हुआ वादा पूरा करने के लिए चुनाव लडूँगा
आप सभी का आशीर्वाद एवं सहयोग अपेक्षित है
जय माता दी— Pawan Singh (@PawanSingh909) March 13, 2024
କହିରଖୁଛୁ କି, ଲୋକସଭା ନିର୍ବାଚନ ୨୦୨୪ ପାଇଁ ଭାଜପା ପ୍ରଥମ ପର୍ଯ୍ୟାୟ ତାଲିକାରେ ୧୯୫ ପ୍ରାର୍ଥୀଙ୍କ ନାଁ ଘୋଷଣା କରିଛି। ଏଥିରେ ପଶ୍ଚିମବଙ୍ଗର ଆସନସୋଲରୁ ଅଭିନେତା ପଓ୍ବନ ସିଂଙ୍କୁ ଦଳ ଟିକେଟ୍ ଦେଇଥିଲା। ହେଲେ ଟିକେଟ୍ ମିଳିବାର ୨୪ଘଣ୍ଟା ମଧ୍ୟରେ ସେ ନିର୍ବାଚନ ଲଢିବା ନେଇ ମନା କରି ଦେଇଥିଲେ। ଏହାପରେ ସେ ଭାଜପା ସଭାପତି ଜେପି ନଡ୍ଡାଙ୍କୁ ସାକ୍ଷାତ କରିଥିଲେ। ସୂଚନାଥାଉ କି, ବର୍ତ୍ତମାନ ଆସନସୋଲ ସିଟ୍ରେ ଅଭିନେତା ଶତ୍ରୁଘ୍ନ ସିହ୍ନା ଟିଏମସି ଏମପି ଅଛନ୍ତି।
