ଭୁବନେଶ୍ୱର,୨୧।୧୨(ବ୍ୟୁରୋ): ଉତ୍ତର କେନ୍ଦ୍ରୀୟ ରେଳପଥ ଅନ୍ତର୍ଗତ ଉତ୍ତର ପ୍ରଦେଶର ନୈନି ଷ୍ଟେଶନଠାରେ ନିରାପତ୍ତା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟ ପାଇଁ ଭୁବନେଶ୍ୱର-ଆନନ୍ଦବିହାର-ଭୁବନେଶ୍ୱର ସୁପରଫାଷ୍ଟ ଏକ୍ସପ୍ରେସ ଭାୟା ଅନୁଗୋଳ ଓ ଝାରସୁଗୁଡା ଦୁଇଦିନ ପାଇଁ ବାତିଲ ରହିବ। ଭୁବନେଶ୍ୱର-ଆନନ୍ଦବିହାର ସୁପରଫାଷ୍ଟ ଏକ୍ସପ୍ରେସ (୨୨୮୦୫) ଭୁବନେଶ୍ୱରରୁ ଜାନୁୟାରୀ ୧ ଏବଂ ୮ ତାରିଖରେ ବାତିଲ ରହିବ। ଆନନ୍ଦବିହାର-ଭୁବନେଶ୍ୱର ସୁପରଫାଷ୍ଟ ଏକ୍ସପ୍ରେସ (୨୨୮୦୬) ଆନନ୍ଦ ବିହାରରୁ ଜାନୁୟାରୀ ୩ ଓ ୧୦ରେ ବାତିଲ ରହିବ। ସେହିପରି ଆନନ୍ଦ ବିହାର (ଦିଲ୍ଲୀ)-ପୁରୀ ନନ୍ଦନକାନନ ଏକ୍ସପ୍ରେସ ୧୨ ଦିନ ପାଇଁ ପରିବର୍ତ୍ତିତ ମାର୍ଗରେ ଚଳାଚଳ କରିବ। ଏହି ଟ୍ରେନ୍ (୧୨୮୧୬) ଆନନ୍ଦ ବିହାରରୁ ଡିସେମ୍ବର ୩୦ରୁ ୧୦ ଜାନୁୟାରୀ ପର୍ଯ୍ୟନ୍ତ ମିରାଜପୁର ଷ୍ଟେଶନକୁ ନ ଯାଇ ପ୍ରୟାଗରାଜ-ପ୍ରୟାଗରାଜ ରାମବାଗ-ଦିନ ଦୟାଲ ଉପାଧ୍ୟାୟ ଷ୍ଟେଶନ ମାର୍ଗଦେଇ ପରିବର୍ତ୍ତିତ ମାର୍ଗରେ ଚାଲିବ।
