କୋରାପୁଟ,୧୫ା୯(ଅମିତାଭ ବେହେରା): ଭୁବନେଶ୍ୱର ଏମ୍ପି ତଥା ଭାଜପାର ଉପସଭାପତି ଅପରାଜିତା ଷଡ଼ଙ୍ଗୀଙ୍କୁ ଶୁକ୍ରବାର କୋରାପୁଟ ରେଳ ଷ୍ଟେଶନଠାରେ ଭାଜପା ନେତା ଏବଂ କର୍ମୀଙ୍କ ପକ୍ଷରୁ ଭବ୍ୟ ସ୍ବାଗତ ସମ୍ବର୍ଦ୍ଧନା ଦିଆଯାଇଛି। ମାଲକାନଗିରି ଗସ୍ତରେ ଥିବା ଭୁବନେଶ୍ୱର ଏମ୍ପି ଅପରାଜିତା ଷଡ଼ଙ୍ଗୀ ଭୁବନେଶ୍ୱରରୁ ହୀରାଖଣ୍ଡ ଟ୍ରେନ୍ ଯୋଗେ ଆସି କୋରାପୁଟ ରେଲଓ୍ବେ ଷ୍ଟେଶନରେ ପହଞ୍ଚିବା ପରେ ଦଳୀୟ ନେତା ବିଜୟ ମିଶ୍ର, ଭାଗିରଥି ପାଟନିଆଙ୍କ ସମେତ ବହୁ ନେତା ଓ କର୍ମୀ ତାଙ୍କୁ ପୁଷ୍ପଗୁଚ୍ଛ ଦେଇ ସ୍ବାଗତ ଜଣାଇଥିଲେ। ଏହି ଅବସରରେ ସେ କୋରାପୁଟର ସ୍ମୃତି ବଖାଣିଥିଲେ। ପୂର୍ବରୁ ସେ କୋରାପୁଟ ଜିଲାପାଳ ଭାବେ କାର୍ଯ୍ୟ ତୁଲାଇଥିଲେ। କୋରାପୁଟ ପ୍ରକୃତି ଓ ପରିବେଶ ସହିତ ସେ ଓତଃପ୍ରୋତ ଭାବେ ଜଡ଼ିତ ରହିଛନ୍ତି l ଆସନ୍ତା ନିର୍ବାଚନରେ ଭାଜା ୩୦୬ ପାର୍ କରି ପୁଣି ଥରେ ନରେନ୍ଦ୍ର ମୋଦି ପ୍ରଧାନମନ୍ତ୍ରୀ ହେବେ ବୋଲି ଅପରଜିତା କହିଛନ୍ତି।