ଭୁବନେଶ୍ୱର, ୩ା୪(ସ୍ପୋଟର୍ସ ବ୍ୟୁରୋ): ପୁରାତନ ଫୁଟ୍ବଲ ଖେଳାଳି ତଥା କ୍ରୀଡ଼ା ସଂଗଠକ ନବରଞ୍ଜନ ପଟ୍ଟନାୟକଙ୍କ ଉଦ୍ୟମରେ ଭୁବନେଶ୍ୱରର ବିଭିନ୍ନ ଫୁଟ୍ବଲ କ୍ଲବର ଭେଟେରାନ୍ ଖେଳାଳିମାନେ ସ୍ଥାନୀୟ ୟୁନିଟ୍-୧ସ୍ଥିତ ମଦର ପବ୍ଲିକ ସ୍କୁଲ୍ଠାରେ ଏକତ୍ରିତ ହୋଇଥିଲେ। ତୃଣମୂଳସ୍ତରରେ ଫୁଟ୍ବଲ ଖେଳର କିପରି ବିକାଶ ହୋଇପାରିବ ସେନେଇ ଏଠାରେ ଆଲୋଚନା ହୋଇଥିଲା।
ଏହି ଭେଟେରାନ୍ ଖେଳାଳିମାନେ ପ୍ରତି ରବିବାର ୟୁନିଟ୍-୬ ହାଇସ୍କୁଲ ଖେଳପଡ଼ିଆରେ ଉପସ୍ଥିତ ରହି ଅଭ୍ୟାସ କରିବା ଲାଗି ବୈଠକରେ ସ୍ଥିର ହୋଇଥିଲା। ବୈଠକରେ ୪୦ରୁ ଅଧିକ ପୂର୍ବତନ ଖେଳାଳି ଉପସ୍ଥିତ ଥିଲେ। ଏହି ଅବସରରେ ନବରଞ୍ଜନ ପଟ୍ଟନାୟକଙ୍କୁ ଭୁବନେଶ୍ୱର ଭେଟେରାନ୍ ଫୁଟ୍ବଲ ପ୍ଲେୟର ଆସୋସିଏଶନର ଚେୟାରମ୍ୟାନ୍ ଭାବେ ଚୟନ କରାଯାଇଥିଲା।