ରାୟପୁର,୨୭ ।୮: ଛତିଶଗଡ଼ କଂଗ୍ରେସରେ ରାଜନୈତିକ ସଙ୍କଟ ଲାଗି ରହିଛି । ମୁଖ୍ୟମନ୍ତ୍ରୀ ଭୁପେଷ ବାଘେଲ ସପ୍ତାହକ ମଧ୍ୟରେ ଦ୍ୱିତୀୟ ଥର ଦିଲ୍ଲୀରେ ପହଞ୍ଚିଛନ୍ତି । ସନ୍ଧ୍ୟାରେ ସେ କଂଗ୍ରେସର ପୂର୍ବତନ ଅଧ୍ୟକ୍ଷ ରାହୁଲ ଗାନ୍ଧୀଙ୍କୁ ସାକ୍ଷାତ୍ କରିବାର କାର୍ଯ୍ୟକ୍ରମ ରହିଛି । ଏହାସହ ଟିଏସ୍ ସିଂଦେଓ ବି ଦିଲ୍ଲୀ ପହଞ୍ଚିଛନ୍ତି । ଛତିଶଗଡ଼ କଂଗ୍ରେସର କଳିକୁ ଦେଖି ବାଘେଲ ଇସ୍ତଫା ଦିଅନ୍ତୁ ବୋଲି ରାହୁଲ ଚାହୁଁଥିବା ବିଶେଷ ସୂତ୍ରରୁ ଜଣାପଡିଛି । ରାହୁଲ କୁଆଡେ ସିଂଦେଓଙ୍କୁ ମୁଖ୍ୟମନ୍ତ୍ରୀ ପଦ ଦେବାକୁ ଚାହୁଁଛନ୍ତି ବୋଲି ଆଲୋଚନା ହେଉଛି । ତେବେ ଦିଲ୍ଲୀ ଯିବା ସମୟରେ ଖବରଦାତାଙ୍କ ପ୍ରଶ୍ନର ଉତ୍ତରରେ ବାଘେଲ କହିଥିଲେ ମୋତେ ମହାସଚିବ କେସି ବେଣୁଗୋପାଳଙ୍କ ମେସେଜ ରହିଛି ସେଥିପାଇଁ ମୁଁ ଦିଲ୍ଲୀ ଯାଉଛି । ବଧାୟକଙ୍କ କଥା ପଚରାରିବାରୁ ବାଘେଲ କହିଥିଲେ ମୋ ପାଖରେ ଏ ସମ୍ପର୍କରେ କୌଣସି ସୂଚନା ନାହିଁ । ଯେକେହି ନିଜ ନେତାଙ୍କୁ ସାକ୍ଷାତ୍ କରିବାକୁ ଯାଇ ପାରିବେ ।