ଟିମ ଇଣ୍ଡିଆର ଦ୍ରୁତ ବୋଲର ଭୂବନେଶ୍ୱର କୁମାରଙ୍କ ସମସ୍ୟା ଶେଷ ହେବାର ନାଁ ନେଉନାହିଁ। ନିକଟରେ ତାଙ୍କ ପିତାଙ୍କ ମୃତୁ ପରେ ଏବେ ଭୁବନେଶ୍ୱରଙ୍କ ମା’ କରୋନାରେ ଆକ୍ରାନ୍ତ ହୋଇଛନ୍ତି। ଏବେ ସେ ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଭୁବନେଶ୍ୱର ଏବଂ ତାଙ୍କ ସ୍ତ୍ରୀ ନୁପୁରଙ୍କର ମଧ୍ୟ କରୋନା ଲକ୍ଷଣ ରହିଛି। ଉଭୟ ପରୀକ୍ଷା ପାଇଁ ସେମାନଙ୍କର ନମୁନା ଦେଇଛନ୍ତି ଏବଂ ରିପୋର୍ଟ ଏପର୍ଯ୍ୟନ୍ତ ଆସି ନାହିଁ। ଉଭୟ ମିରୁଟରେ ଥିବା ସେମାନଙ୍କ ଘରେ କ୍ୱାରାଣ୍ଟାଇନରେ ଅଛନ୍ତି। ଯଦି ଭୁବନେଶ୍ୱର କୁମାର ପଜିଟିଭ୍ ହୁଅନ୍ତି ତେବେ ଟିମ ଇଣ୍ଡିଆକୁ ବଡ ଝଟ୍କା ଲାଗିବ। ସେ ଆସନ୍ତା ମାସରେ ଶ୍ରୀଲଙ୍କା ଗସ୍ତ କରିବେ। ଯଦିଓ ଦଳ ଏପର୍ଯ୍ୟନ୍ତ ଘୋଷଣା କରାଯାଇ ନାହିଁ, ଭୁବନେଶ୍ୱର ସେହି ଦଳର ଏକ ଗୁରୁତ୍ୱପୂର୍ଣ୍ଣ ଅଂଶ ହେବେ। ଯଦି ଭୁବନେଶ୍ୱର ଫିଟ ହେବେ ନାହିଁ, ତେବେ ଟିମ ଇଣ୍ଡିଆର ବୋଲିଂ ବିଭାଗକୁ ଝଟ୍କା ଲାଗିବ। ସୂଚନାଯୋଗ୍ୟ, ଭୁବନେଶ୍ୱର କୁମାର ଇଂଲଣ୍ଡ ବିପକ୍ଷ ସିରିଜରୁ ଏକଦିବସର ଏବଂ ଟି -୨୦ କ୍ରିକେଟରେ ପ୍ରତ୍ୟାବର୍ତ୍ତନ କରିଥିଲେ। ସେ ଦୀର୍ଘ ସମୟ ଧରି ଆଘାତ ସହ ସଂଗ୍ରାମ କରୁଥିଲେ। ନିକଟରେ ଖବର ଆସିଥିଲା ଯେ ଭୁବନେଶ୍ୱର କୁମାର ଟେଷ୍ଟ କ୍ରିକେଟ ଖେଳିବାକୁ ଚାହୁଁନାହାଁନ୍ତି କିନ୍ତୁ ସେ ଏହି ଖବରକୁ ଭୁଲ ବୋଲି କହିଥିଲେ। ଭୁବନେଶ୍ୱର କୁମାର ନିକଟରେ ପିତାଙ୍କୁ ହରାଇଥିଲେ। ତାଙ୍କ ପିତା କିରଣପାଲ ଦୀର୍ଘ ସମୟ ଧରି ଯକୃତ ରୋଗରେ ପୀଡିତ ଥିଲେ। ବହୁ ଚିକିତ୍ସା ପରେ ମଧ୍ୟ ସେ ସୁସ୍ଥ ହୋଇପାରି ନ ଥିଲେ ଏବଂ ୬୩ ବର୍ଷ ବୟସରେ ତାଙ୍କର ମୃତ୍ୟୁ ହୋଇଥିଲା।