ନୂଆଦିଲ୍ଲୀ,୧୮।୯: ଭାରତୀୟ ଟିମ୍ର ଦ୍ରୁତ ବୋଲର ଭୁବନେଶ୍ୱର କୁମାର ୨୧ ଟେଷ୍ଟରେ ୬୩ ଓ୍ବିକେଟ୍ ନେଇଛନ୍ତି। ଏହାଛଡ଼ା ୧୧୪ ଏକଦୀବସୀୟ ମ୍ୟାଚ୍ରେ ୧୩୨ ଏବଂ ୪୩ ଟି-୨୦ ମ୍ୟାଚ୍ରେ ୪୧ ଓ୍ବିକେଟ୍ ନେଇଛନ୍ତି। ତେବେ ୨୦୧୨ରେ ଭାରତୀୟ କ୍ରିକେଟ ଟିମ୍ରେ ଡେବ୍ୟୁ କରିଥିବା ଏହି ବୋଲର ପ୍ରେମର ବଡ଼ ଖେଳାଳି। ଭାରତ ପାଇଁ ଖେଳିବା ପୂର୍ବରୁ ତାଙ୍କ ଲଭ୍ଷ୍ଟୋରୀ ଆରମ୍ଭ ହୋଇଯାଇଥିଲା। ୨୦୧୭ରେ ସେ ନୁପୁର ନାଗରଙ୍କୁ ବିବାହ କରିଥିଲେ।
ନୁପୂରଙ୍କୁ ପିଲାଦିନୁ ଜାଣିଥିଲେ ଭୁବନେଶ୍ୱର। ହେଲେ ବିବାହ କରିବା ସେତେଟା ସହଜ ନ ଥିଲା। କାରଣ ଏଥିପାଇଁ ପରିବାରଲୋକେ ପରେ ବରଂ ନୁପୂର ପ୍ରଥମେ ସାକ୍ଷାତକାର ଭଳି ନେଇଥିଲେ। ଏକ ସାକ୍ଷାତକାରରେ ଏହା ଉପରୁ ପରଦା ଉଠାଇଛନ୍ତି ଭୁବନେଶ୍ୱର। ସେ କହିଛନ୍ତି, ନୁପୂରଙ୍କୁ ଡେଟ୍ କରିବା ସମୟରେ ମୁଁ ଭାରତ ପାଇଁ ଖେଳୁ ନ ଥିଲି। ସେ ମୋତେ ଚାକିରି କ’ଣ କରିବି ପଚାରିଥିଲେ। କ’ଣ ଉତ୍ତରଦେବି ଜାଣିପାରି ନ ଥିଲି। ବାସ୍ କ୍ରିକେଟରେ ନିଜର କ୍ୟାରିୟର କରିବି ବୋଲି କହିଥିଲି। ହଁ, କ୍ରିକେଟ ଠିକ୍ ଅଛି ବରଂ ଚାକିରି କଣ କରିବ ବୋଲି ସେ ପୁଣି ପଚାରିଥିଲେ। ଏହା ଶୁଣି ତାଙ୍କୁ ରଣଜୀରେ ଖେଳୁଛି। ଏହାପରେ ଭାରତୀୟ ଟିମ୍ ପାଇଁ ଖେଳିପାରେ ବୋଲି କହିଥିଲି। ଜବାବରେ ନୁପୂର କହିଥିଲେ ଭାରତୀୟ ଟିମ୍ରେ ହୋଇପାରେ ବୋଲି ଆଶ୍ଚର୍ଯ୍ୟ ହୋଇ ଉତ୍ତର ଦେଇଥିଲେ।
ତେବେ ପେସାରେ ସଫ୍ଟଓ୍ବେୟର ଇଞ୍ଜିନିୟର ହେଉଛନ୍ତି ନୁପୂର। ଅପରପକ୍ଷେ କ୍ରିକେଟ ଖେଳୁଥିଲେ ଭୁବନେଶ୍ୱର। ଉଭୟ ଉଭୟଙ୍କୁ ୧୨-୧୩ ବର୍ଷ ବୟସରୁ ଜାଣିଥିଲେ। ଉଭୟଙ୍କ ଘର ପାଖାପାଖି ଥିଲା। ସେ ନିଜର ବୋଲିଂ କଳାକୁ ପ୍ରୟୋଗ କରି ତାଙ୍କ ପାଖକୁ ଚିଠି ଫିଙ୍ଗୁଥିଲେ। ପ୍ରଥମ ୩-୪ ବର୍ଷ ପରିବାରଲୋକ ସେମାନଙ୍କ ସମ୍ପର୍କ ବିଷୟରେ ଜାଣିପାରି ନ ଥିଲେ। ପରେ ଲୁଚିଛପି ସେମାନେ ମିଳାମିଶା କରୁଥିଲେ। ଜଣେ ବାହାରଲୋକ ଘରେ କହିବା ପରେ ଏସବୁ ବିଷୟରେ ସମସ୍ତେ ଜାଣିପାରିଥିଲେ। ଶେଷରେ ପରିବାରଲୋକଙ୍କ ସହମତିରେ ତାଙ୍କୁ ବିବାହ କରିଥିଲେ ବୋଲି ଭୁବନେଶ୍ୱର କହିଛନ୍ତି।