ଓ୍ବାଶିଂଟନ,୨୯।୭ : ଚାଇନାର ଆକ୍ରମଣାତ୍ମକ ମନୋଭାବ ଉପରେ ଆମେରିକା ଖୋଲାଖୋଲି ଭାବେ କହିଛି ଚାଇନା ବିରୋଧରେ ଛିଡା ହୋଇଥିବା ଦେଶଗୁଡ଼ିକୁ ପେଣ୍ଟାଗନ ସମର୍ଥନ କରିବ। ଏହି ପର୍ଯ୍ୟାୟରେ, ଆମେରିକାର ରାଷ୍ଟ୍ରପତି ଜୋ ବାଇଡେନ ମଧ୍ୟ ତାଇୱାନ ପାଇଁ ୩୪୫ ମିଲିୟନ ଆମେରିକୀୟ ଡଲାରର ସାମରିକ ସହାୟତା ଘୋଷଣା କରିଛନ୍ତି।
ଆମେରିକାର ପ୍ରତିରକ୍ଷା ସଚିବ ଓଲିଉଡ ଅଷ୍ଟିନ ଏସିଆ-ପ୍ରଶାନ୍ତ ମହାସାଗରରେ ବେଜିଂର ଦାବିକୁ ପ୍ରତିହତ କରିବା ପାଇଁ ଅଷ୍ଟ୍ରେଲିଆରେ ଦ୍ୱିପାକ୍ଷିକ ଆଲୋଚନା ଆରମ୍ଭ କରି କହିଛନ୍ତି ଚାଇନାର ଉତ୍ତେଜନାମୂଳକ ଆଚରଣକୁ ବିରୋଧ କରୁଥିବା ଦେଶକୁ ଆମେରିକା ସମର୍ଥନ କରିବ।
ଅଷ୍ଟିନ ଏବଂ ଆମେରିକାର ବୈଦେଶିକ ସଚିବ ଆଣ୍ଟୋନି ବ୍ଲିଙ୍କେନ ଶୁକ୍ରବାର ବିଳମ୍ବିତ ରାତିରେ ଅଷ୍ଟ୍ରେଲିଆର ବ୍ରିସବେନରେ ପହଞ୍ଚିଛନ୍ତି। ଇଣ୍ଡୋ-ପ୍ରଶାନ୍ତ ମହାସାଗରରେ ଅଷ୍ଟ୍ରେଲିଆରେ ତାଙ୍କର ଉଦବୋଧନ ଦେଇ ଅଷ୍ଟିନ କହିଛନ୍ତି ଆମେ ଦକ୍ଷିଣ-ପଶ୍ଚିମ ପ୍ରଶାନ୍ତ ମହାସାଗରରେ, ପୂର୍ବ ଚାଇନା ସାଗର ଠାରୁ ଦକ୍ଷିଣ ଚାଇନା ସାଗରରେ ଚାଇନାର କାର୍ଯ୍ୟର ମୁକାବିଲା ପାଇଁ ପଦକ୍ଷେପ ଗ୍ରହଣ କରିବୁ।