ଇସ୍ଲାମାବାଦ,୧୭।୯: ଆମେରିକା ରାଷ୍ଟ୍ରପତି ଜୋ ବାଇଡେନ୍ଙ୍କୁ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ୍ ଖାନ୍ ଜଣେ ବିଜି ମ୍ୟାନ୍ (ବ୍ୟସ୍ତ ମଣିଷ) ବୋଲି କଟାକ୍ଷ କରିଛନ୍ତି। ବାଇଡେନ୍ ଗତ ଜାନୁୟାରୀରେ ରାଷ୍ଟ୍ରପତି ନିର୍ବାଚିତ ହେବା ପରଠାରୁ ଇମ୍ରାନ୍ଙ୍କୁ ଥରୁଟିଏ ହେଲେ ଫୋନ୍ କରିନାହାନ୍ତି। ଏନେଇ ଇସ୍ଲାମାବାଦସ୍ଥିତ ନିଜ ଗାଲା ବାସଭବନରେ ସିଏନ୍ଏନ୍କୁ ସାକ୍ଷାତ୍କାର ଦେଇ ଇମ୍ରାନ୍ କହିଛନ୍ତି, ବାଇଡେନ୍ ଜଣେ ବିଜି ମ୍ୟାନ୍। ସେ ଏତେ ବ୍ୟସ୍ତ ଯେ ତାଙ୍କୁ ଫୋନ୍ ବି କରିପାରୁ ନାହାନ୍ତି। ସେ କାହିଁକି ଏତେ ବ୍ୟସ୍ତ ତାହା ବାଇଡେନ୍ଙ୍କୁ ପଚରାଯାଉ। ସେହିପରି ଆଫଗାନିସ୍ତାନରେ ଅଶ୍ରଫ୍ ଗନି ସରକାରଙ୍କ ପତନ ପରେ ଇମ୍ରାନ୍ ବାଇଡେନ୍ଙ୍କ ସହ ଆଲୋଚନା କରି ନ ଥିବା ପ୍ରକାଶ କରିଛନ୍ତି। ଦୁର୍ଦ୍ଧର୍ଷ ହକ୍କାନି ନେଟ୍ଓ୍ବର୍କ ସମେତ ତାଲିବାନ ଭଳି ଆତଙ୍କବାଦୀ ସଙ୍ଗଠନଗୁଡ଼ିକୁ ପାକିସ୍ତାନ ପ୍ରଶ୍ରୟ ଦେଉଛି ବୋଲି ଆମେରିକା ପରରାଷ୍ଟ୍ର ସଚିବ ଆଣ୍ଟୋନି ବ୍ଲିଙ୍କେନ୍ ମନ୍ତବ୍ୟ ଦେବା ପରେ ଇମ୍ରାନ୍ ଏପରି କହିଛନ୍ତି।