କୁହାଯାଏ, ପ୍ରେମ ଏବଂ ବିବାହ ପାଇଁ କୌଣସି ବୟସ ନ ଥାଏ। ଜାତି, ଧର୍ମ, ବର୍ଣ୍ଣ, ଛୋଟବଡ଼ର ବାଛ ବିଚାର ନ ଥାଏ। ଯେତେବେଳେ ମନ ଚାହୁଁଥିବା ହୃଦୟଟିଏ ମିଳିଯାଏ ସେତେବେଳେ ଜୀବନରେ ଆଗକୁ ବାଟ ଚାଲିବାକୁ ନିଷ୍ପତ୍ତି ନିଆଯାଏ। ଦୁନିଆର ଅନେକ ବଡ଼ ନେତା ଅଛନ୍ତି, ଯେଉଁମାନଙ୍କ ପ୍ରେମ ନିଆରା, ସେମାନଙ୍କ ବିବାହ ବି ନିଆରା। ସେମାନେ ସମାଲୋଚନାକୁ ଖାତିର ନ କରି ଜୀବନସାଥୀ ବାଛିଛନ୍ତି। ଏହି ତାଲିକାରେ ଆମେରିକାର ରାଷ୍ଟ୍ରପତି ଜୋ-ବାଇଡେନ ମଧ୍ୟ ଅଛନ୍ତି।
୧୯୭୨ରେ ଏକ ଦୁର୍ଘଟଣାରେ ଜୋ -ବାଇଡେନଙ୍କ ପ୍ରଥମ ସ୍ତ୍ରୀ ଏବଂ ଏକ ବର୍ଷର ଝିଅଙ୍କର ମୃତ୍ୟୁ ହୋଇଥିଲା। ୨୦୧୫ରେ ଦ୍ୱିତୀୟ ପୁଅର ମଧ୍ୟ ମୃତ୍ୟୁ ହୋଇଥିଲା। ସ୍ତ୍ରୀଙ୍କ ମୃତ୍ୟୁର ପ୍ରାୟ ୩ ବର୍ଷ ପରେ ବାଇଡେନଙ୍କ ଭାଇ ତାଙ୍କୁ ଜିଲ୍ ଜ୍ୟାକବଙ୍କ ସହ ପରିଚିତ କରାଇଲେ। ଜିଲ୍ ଏବଂ ବାଇଡେନ ଏହି ସାକ୍ଷାତ ବନ୍ଧୁତ୍ୱରେ ପରିଣତ ହୋଇଥିଲା। ସେମାନେ ପରସ୍ପର ସହିତ ବହୁତ ଭଲ ଅନୁଭବ କରିଥିଲେ। ଯଦିଓ ଜିଲ୍ ପୂର୍ବରୁ ବିବାହିତ ଥିଲେ କିନ୍ତୁ ସେମାନଙ୍କ ବିବାହ ବିଚ୍ଛେଦ ହୋଇଥିଲା। ବାଇଡେନ ଜିଲଙ୍କୁ ଥରେ କିମ୍ବା ଦୁଇଥର ନୁହେଁ, ମାତ୍ର ୫ ଥର ବିବାହ ପ୍ରସ୍ତାବ ଦେଇଥିଲେ। ପରେ ବିବାହ ପାଇଁ ରାଜି ହୋଇଥିଲେ ଜିଲ୍।