ଓ୍ବାଶିଂଟନ,୫।୧: ଆମେରିକା ପ୍ରଶାସନର କେତେକ ଶୀର୍ଷ ପଦବୀକୁ ଅନୂ୍ୟନ ୬ ଜଣ ଭାରତୀୟ ବଂଶୋଦ୍ଭବଙ୍କୁ ରାଷ୍ଟ୍ରପତି ଜୋ ବାଇଡେନ୍ ପୁନଃ ମନୋନୀତ କରିଛନ୍ତି। ସେଗୁଡ଼ିକୁ ସିନେଟ ଅନୁମୋଦନ ନିମନ୍ତେ ପଠାଯାଇଛି। ରିଚାର୍ଡ ବର୍ମା (୫୪)ଙ୍କୁ ପରରାଷ୍ଟ୍ର ବିଭାଗର ପରିଚାଳନା ଓ ସମ୍ବଳ ବିଭାଗ ଉପସଚିବ ପାଇଁ ମନୋନୀତ କରାଯାଇତତ୍ବାବେଳ ଡ. ବିବେକ ହାଲେଗେରେ ମୂର୍ତ୍ତିଙ୍କୁ ବିଶ୍ୱ ସ୍ବାସ୍ଥ୍ୟ ସଂଗଠନ କାର୍ଯ୍ୟନିର୍ବାହୀ ବୋର୍ଡର ପ୍ରତିନିଧି ଭାବେ ମନୋନୀତ କରାଯାଇଛି। ବର୍ମା ପୂର୍ବରୁ ଭାରତରେ ଆମେରିକାର ରାଷ୍ଟ୍ରଦୂତ ଥିଲେ। ଏବେ ସେ ମୁଖ୍ୟ ନ୍ୟାୟିକ ଅଧିକାରୀ ଏବଂ ମାଷ୍ଟରକାର୍ଡରେ ଗ୍ଲୋବାଲ ପବ୍ଲିକ୍ ପଲିସି ମୁଖ୍ୟ ଅଛନ୍ତି।
ସେହିପରି ମୂର୍ତ୍ତି ଆମେରିକାର ୨୧ତମ ସର୍ଜନ ଜେନେରାଲ ଭାବେ କାର୍ଯ୍ୟ କରୁଛନ୍ତି। ଅନ୍ୟମାନଙ୍କ ମଧ୍ୟରେ ଅଞ୍ଜଳି ଚତୁର୍ବେଦୀଙ୍କୁ ବରିଷ୍ଠ ବ୍ୟାପାର ବିଭାଗ ଜେନେରାଲ କାଉନସିଲ, ରବି ଚୌଧରୀଙ୍କୁ ଆମେରିକା ବାୟୁସେନାର ସହକାରୀ ସଚିବ, ଗୀତା ରାଓ ଗୁପ୍ତାଙ୍କୁ ବିଶ୍ୱ ମହିଳା ପ୍ରସଙ୍ଗରେ ଆମ୍ବାସଡର ଆଟ୍ ଲାର୍ଜ ଏବଂ ରାଧା ଆୟେଙ୍ଗାର ପ୍ଲମ୍ବ୍ଙ୍କୁ ପ୍ରତିରକ୍ଷା ବିଭାଗ ଉପ ଅନୁସଚିବ ଭାବେ ମନୋନୀତ କରାଯାଇଛି। ପୂର୍ବରୁ ରାଷ୍ଟ୍ରପତି ଉପରୋକ୍ତ ନାମକୁ ସିନେଟକୁ ପଠାଇଥିଲେ ମଧ୍ୟ ତାହା ଅନୁମୋଦନ ହୋଇପାରି ନ ଥିଲା। ମଙ୍ଗଳବାର ୧୧୮ତମ କଂଗ୍ରେସର ପ୍ରଥମ ଦିନରେ ସିନେଟରମାନେ ଶପଥ ନେବା ସହ ପ୍ରତିନିଧି ସଭାର ବାଚସ୍ପତି ନିର୍ବାଚନ ପ୍ରକ୍ରିୟା ଆରମ୍ଭ ହୋଇଛି।