ମେଲବୋର୍ନ, ୧୬।୧୨: ବିଗ୍ ବାଶ୍ ଟି୨୦ ଲିଗ୍ ବେଳେ କରୋନା ଭାଇରସ୍ ପ୍ରୋଟୋକଲ ଭଙ୍ଗ କରିଥିବାରୁ ବ୍ରିସ୍ବେନ୍ ହିଟ୍ର କ୍ରିସ୍ ଲିନ୍ ଓ ଡାନ୍ ଲରେନ୍ସଙ୍କୁ ୧୦,୦୦୦ ଅଷ୍ଟ୍ରେଲୀୟ ଡଲାର(୫,୬୪୦ ପାଉଣ୍ଡ) ଜରିମାନା ହୋଇଛି। ଉଭୟେ ଜଣେ ପ୍ରଶଂସକଙ୍କ ସହ ଫଟୋଗ୍ରାଫ୍ ପାଇଁ ପୋଜ୍ ଦେଇଥିଲେ। ନିୟମ ଉଲ୍ଲଂଘନ ପରେ ସିଡ୍ନୀ ଥଣ୍ଡର ଦ୍ୱାରା ବିଗ୍ ବାଶ ପରାଜୟ ବେଳେ ଏହି ଦୁଇଜଣଙ୍କୁ ସେମାନଙ୍କ ଟିମ୍ମେଟ୍ଠାରୁ ଦୂରତା ରଖିବାକୁ ପଡ଼ିଥିଲା। ଲିନ୍ ଓ ଲରେନ୍ସଙ୍କୁ ଗତ ସପ୍ତାହରେ ଇଂଲଣ୍ଡ ଟେଷ୍ଟ ଦଳରେ ସାମିଲ କରାଯାଇଥିଲା। ଉଭୟେ ଦଣ୍ଡକୁ ଗ୍ରହଣ କରିଛନ୍ତି। କ୍ରିକେଟ ଅଷ୍ଟ୍ରେଲିଆ ଦ୍ୱାରା ଏକ ତଦନ୍ତ ପରେ ବ୍ରିସ୍ବେନ୍ ହିଟ୍ ଦଳକୁ ମଧ୍ୟ ୫୦,୦୦୦ ଆମେରିକୀୟ ଡଲାର ଜରିମାନା ହୋଇଥିଲା। ଦାୟିତ୍ୱହୀନତା ପାଇଁ ଲିନ୍ ଓ ଲରେନ୍ସଙ୍କୁ ପ୍ରବଳ ଭର୍ତ୍ସନା ମଧ୍ୟ କରାଯାଇଛି।