ନୂଆଦିଲ୍ଲୀ,୨୩ା୫: ଜବାହରଲାଲ୍ ନେହେରୁ ୟୁନିଭର୍ସିଟି (ଜେଏନ୍ୟୁ)ର ବୈଜ୍ଞାନିକମାନଙ୍କ ଏକ ଟିମ୍ ଏକ ପାରାସାଇଟ୍ (ପରଜୀବୀ) ଚିହ୍ନଟ କରିଛନ୍ତି, ଯାହା ମ୍ୟାଲେରିଆ ପ୍ରତିକାର ଏବଂ ଚିକିତ୍ସାରେ ଅଧିକ ପ୍ରଭାବଶାଳୀ ହୋଇପାରିବ। ପ୍ରଫେସର ଶୈଳଜା ସିଂ ଏବଂ ପ୍ରଫେସର ଆନନ୍ଦ ରଙ୍ଗନାଥନଙ୍କ ନେତୃତ୍ୱରେ ହୋଇଥିବା ଉକ୍ତ ଗବେଷଣା ଆଇସାଇନ୍ସ ପତ୍ରିକାରେ ପ୍ରକାଶ ପାଇଛି। ପିଏଚ୍ବି୨-ଏଚ୍ଏସ୍ପି୭୦ଏ୧ଏ ନାମକ ଏହି ପାରାସାଇଟ୍ରେ ଥିବା ପ୍ରୋହିବିଟିନ୍ ପ୍ରୋଟିନ୍ ମ୍ୟାଲେରିଆ ଟିକା ବିକାଶରେ ସହାୟକ ହୋଇପାରିବ। ମ୍ୟାଲେରିଆ ନିରୋଧୀ ଔଷଧ ବିରୋଧରେ ଉକ୍ତ ପାରାସାଇଟ୍ ଶରୀରରେ ପ୍ରତିଶେଧକ ଶକ୍ତି ସୃଷ୍ଟି କରିବା କ୍ଷମତା ରଖିଥିବାରୁ ଭୟଙ୍କର ମହାମାରୀକୁ ରୋକିବାରେ ଏହା ପ୍ରଭାବୀ ହୋଇପାରିବ। ମାଈ ଏନୋଫିଲିସ୍ ମଶା ଦ୍ୱାରା ମ୍ୟାଲେରିଆ ସଂକ୍ରମିତ ହୋଇଥାଏ। ଏହା ବିଭିନ୍ନ ଦେଶରେ ଲକ୍ଷ ଲକ୍ଷ ଲୋକଙ୍କ ଜୀବନ ନେଉଛି। ବିଶ୍ୱ ସ୍ବାସ୍ଥ୍ୟ ସଂଗଠନର ୨୦୨୨ ରିପୋର୍ଟ ଅନୁଯାୟୀ ବିଶ୍ୱବ୍ୟାପୀ ୨୪୯ ନିୟୁତ ମ୍ୟାଲେରିଆ ମାମଲା ରହିଥିବାବେଳେ ୬୦,୮୦୦ ଜଣଙ୍କର ଏଥିରେ ମୃତ୍ୟୁ ଘଟିଛି।