ବିଗ୍ ବି ଅମିତାଭ ବଚ୍ଚନ ତାଙ୍କ ଜନ୍ମଦିନକୁ ନେଇ ବେଶ୍ ଖୁସି ଅଛନ୍ତି। ପରିବାର, ବନ୍ଧୁଙ୍କଠାରୁ ଆରମ୍ଭ କରି ପ୍ରଶଂସକ ପର୍ଯ୍ୟନ୍ତ ସମସ୍ତେ ତାଙ୍କୁ ଶୁଭେଚ୍ଛା ଜଣାଉଛନ୍ତି। ଏହି ସମୟ ମଧ୍ୟରେ ତାଙ୍କର ଆଗାମୀ ଫିଲ୍ମ ପ୍ରୋଜେକ୍ଟ କେ’ ର ଟିମ୍ ବିଗ୍ ବି’ଙ୍କୁ ସର୍ପ୍ରାଇଜ୍ ଦେଇଛନ୍ତି। ପ୍ରୋଜେକ୍ଟ ‘କେ’ ଆଗାମୀ ଫିଲ୍ମ ମଧ୍ୟରୁ ସବୁଠୁ ଅଧିକ ଚର୍ଚ୍ଚାରେ ରହିଛି। ଏହାର ନାମ ଠାରୁ ରିଲିଜ ତାରିଖ ପର୍ଯ୍ୟନ୍ତ, ପ୍ରାୟ ସବୁ କିଛି ଚର୍ଚ୍ଚାରେ। ବର୍ତ୍ତମାନ ଏହି ତାଲିକାରେ ଆଉ ଗୋଟିଏ ନାଁ ଯୋଡ଼ି ହୋଇଛି। ସେ ଆଉ କେହି ନୁହନ୍ତି ସୁପରଷ୍ଟାର ଅମିତାଭ ବଚ୍ଚନ।
ବିଗ୍’ବିଙ୍କ ଜନ୍ମଦିନ ଅବସରରେ ପ୍ରୋଜେକ୍ଟ କେ ଟିମ୍ ତାଙ୍କୁ କାମନା କରିବା ସହ ଫିଲ୍ମର ତାଙ୍କର ପ୍ରଥମ ଲୁକ୍ ଜାରି କରିଛନ୍ତି। ଫିଲ୍ମର ପୋଷ୍ଟରରେ ବିଗ୍ ବି’ଙ୍କୁ ସମ୍ପୂର୍ଣ୍ଣ ଭିନ୍ନ ଅବତାରରେ ଦେଖିବାକୁ ମିଳିଛି। ଏଥିରୁ ଜଣାପଡୁଛି ଫିଲ୍ମରେ ତାଙ୍କ ଚରିତ୍ର ବହୁତ ଆକର୍ଷଣୀୟ ହେବାକୁ ଯାଉଛି।
ପ୍ରୋଜେକ୍ଟ ‘କେ’ ନାମ ଘୋଷଣା ସହିତ, ପ୍ରଥମ ଏବଂ ସର୍ବାଧିକ ପଚରାଯାଇଥିବା ପ୍ରଶ୍ନ ହେଉଛି କେ ପ୍ରୋଜେକ୍ଟ କେ’ ରେ କ’ଣ ରହିଛି। ନିର୍ମାତା ଏହି ପ୍ରଶ୍ନର ଟିଜର ରିଲିଜ ସହିତ ଉତ୍ତର ଦେଇଛନ୍ତି। ଫିଲ୍ମରେ ପ୍ରୋଜେକ୍ଟ କେ’ ହେଉଛି ପ୍ରୋଜେକ୍ଟ କଳ୍କୀ।
ବର୍ତ୍ତମାନ ପର୍ଯ୍ୟନ୍ତ ପ୍ରୋଜେକ୍ଟ ‘କେ’ରେ ପ୍ରଭାସ, ଅମିତାଭ ବଚ୍ଚନ ଏବଂ ଦୀପିକା ପାଦୁକୋନଙ୍କ ଫଟୋ ଜାରି ହୋଇଛି। ଫିଲ୍ମଟି ବହୁ ବଡ଼ ବଜେଟର ବୋଲି କୁହାଯାଉଛି। ନାଗା ଅଶ୍ୱିନ ରେଡ୍ଡୀଙ୍କ ଦ୍ୱାରା ନିର୍ଦ୍ଦେଶିତ, ଯିଏ ସାଉଥ୍ର ଜଣେ ଜଣାଶୁଣା ନିର୍ଦ୍ଦେଶକ। ଫିଲ୍ମଟି ୨୦୨୪ରେ ପ୍ରେକ୍ଷାଳୟକୁ ଆସିବ।
