PM Internship Schemeରେ ବଡ଼ ପରିବର୍ତ୍ତନ, ଏହିଦିନ ଆବେଦନର ଶେଷ ତାରିଖ,ଜାଣନ୍ତୁ ପୁରା ସୂଚନା

ନୂଆଦିଲ୍ଲୀ,୭।୩:ଗତ ବର୍ଷ ଜୁଲାଇ ୨୩ ତାରିଖରେ କେନ୍ଦ୍ର ଅର୍ଥମନ୍ତ୍ରୀ ର୍ନିମଳା ସୀତାରମଣ ତାଙ୍କ ବଜେଟ ଭାଷଣ ସମୟରେ PM Internship Scheme ଯୋଜନା ଘୋଷଣା କରିଥିଲେ। କର୍ପୋରେଟ ବ୍ୟାପାର ରାଷ୍ଟ୍ରମନ୍ତ୍ରୀ ହର୍ଷ ମାଲହୋତ୍ରା ସମ୍ପ୍ରତି ଲୋକ ସଭାରେ କହିଥିଲେ ଯେ ଏହି ଯୋଜନା ଅଧୀନରେ ଏପର୍ଯ୍ୟନ୍ତ ୨୮,୧୪୧ ଜଣ ପ୍ରାର୍ଥୀ ଇଣ୍ଟର୍ନସିପ ସୁଯୋଗ ପାଇଛନ୍ତି। ଏହି ଇଣ୍ଟର୍ନସିପ କାର୍ଯ୍ୟକ୍ରମ ଗୋଟିଏ ବର୍ଷ ହେବ।

PM Internship Scheme ଏହି ଯୋଜନାରେ ଆବେଦନ କରୁଥିବା ବ୍ୟକ୍ତିଙ୍କ ବୟସ 21 ରୁ 24 ବର୍ଷ ମଧ୍ୟରେ ରହିବ। ଏଥିସହ, ଏହା ମନେ ରଖିବା ଗୁରୁତ୍ୱପୂର୍ଣ୍ଣ ଯେ ପ୍ରାର୍ଥୀ କୌଣସି ସଂଗଠନ କିମ୍ବା କମ୍ପାନୀରେ ପୂର୍ଣ୍ଣକାଳୀନ କର୍ମଚାରୀ ହେବା ଉଚିତ ନୁହେଁ। ଏଥିପାଇଁ ଅତି କମରେ ଦଶମ ପାସ କରିଥିବା ବାଧ୍ୟତାମୂଳକ। ଏହା ବ୍ୟତୀତ, ଯେକୌଣସି ଶିଳ୍ପ ତାଲିମ ପ୍ରତିଷ୍ଠାନ (ITI)ରୁ ପ୍ରମାଣପତ୍ର, ଯେକୌଣସି ପଲିଟେକ୍ନିକ ପ୍ରତିଷ୍ଠାନରୁ ଡିପ୍ଲୋମା କିମ୍ବା BA, B.Sc, B.Com, BCA, BBA, B.Pharma ଭଳି ସ୍ନାତକ ଡିଗ୍ରୀ ଥିବା ପ୍ରାର୍ଥୀମାନେ ମଧ୍ୟ ଏଥିପାଇଁ ଆବେଦନ କରିପାରିବେ।

PM Internship Schemeର ଅନେକ ଲାଭ ଅଛି। ଏହା ଅଧୀନରେ, ଦେଶର ଯୁବକମାନଙ୍କୁ ଶ୍ରେଷ୍ଠ 500 କମ୍ପାନୀରେ ଇଣ୍ଟର୍ନସିପ କରିବାର ସୁଯୋଗ ଦିଆଯିବ, ଯାହା ଦ୍ୱାରା କାର୍ଯ୍ୟ ଅଭିଜ୍ଞତା ପାଇବେ। ଏହି ଯୋଜନା ଅଧୀନରେ କେନ୍ଦ୍ର ସରକାରଙ୍କ ଲକ୍ଷ୍ୟ ହେଉଛି 5 ବର୍ଷ ମଧ୍ୟରେ 1 କୋଟି ଯୁବକଯୁବତୀଙ୍କୁ ଇଣ୍ଟର୍ନସିପ ସୁଯୋଗ ପ୍ରଦାନ କରିବା।

ଇଣ୍ଟର୍ନସିପ କରିବା ପରେ, ଯୁବକମାନଙ୍କୁ ଏକ ପ୍ରମାଣପତ୍ର ମଧ୍ୟ ମିଳିବ। ସେମାନଙ୍କ ପାଇଁ ଅନେକ ଭଲ କାମର ରାସ୍ତା ଖୋଲିଯିବ। ଚାକିରି ପାଇଁ ଅନେକ ବିକଳ୍ପ ଉପଲବ୍ଧ ହେବ। କେବଳ ଏତିକି ନୁହେଁ, ଏହି ଯୋଜନା ଅଧୀନରେ ପ୍ରାର୍ଥୀମାନେ ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା, ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନାର ମଧ୍ୟ ଲାଭ ପାଇବେ।

ଇଣ୍ଟର୍ନସିପ୍ର ଆହୁରି ଅନେକ ସୁବିଧା ଅଛି ଯେପରିକି ପ୍ରଥମ ଥର ଯୋଗ ଦେବା ପରେ ଆପଣଙ୍କୁ ଏକକାଳୀନ 6000 ଟଙ୍କା ମିଳିବ। ଏହା ବ୍ୟତୀତ ପ୍ରତି ମାସରେ 5000 ଟଙ୍କା ଷ୍ଟାଇପେଣ୍ଡ ମଧ୍ୟ ଦିଆଯିବ। ଏଥିମଧ୍ୟରୁ ୪୫୦୦ ଟଙ୍କା ସରକାର ଦେବେ ଏବଂ ବାକି ୫୦୦ ଟଙ୍କା କମ୍ପାନୀଗୁଡ଼ିକ ସେମାନଙ୍କର ସିଏସଆର ପାଣ୍ଠିରୁ ପ୍ରଦାନ କରିବେ। ତଥାପି, କମ୍ପାନୀ ଇଣ୍ଟର୍ନଙ୍କୁ 500 ଟଙ୍କାରୁ ଅଧିକ ମଧ୍ୟ ଦେଇପାରିବ। ଏହା ସେମାନଙ୍କ କାମ, କମ୍ପାନୀ ନୀତି, ଉପସ୍ଥିତି, ଆଚରଣ ଉପରେ ର୍ନିଭର କରିବ।

ଆବେଦନ କରିବା ପୂର୍ବରୁ, ଏହା ମଧ୍ୟ ମନେ ରଖିବା ଉଚିତ ଯେ ଆବେଦନକାରୀଙ୍କ ପରିବାରର ବାର୍ଷିକ ଆୟ 8 ଲକ୍ଷ ଟଙ୍କାରୁ ଅଧିକ ହେବା ଉଚିତ ନୁହେଁ ଏବଂ ପିତାମାତା, ପତି କିମ୍ବା ଆବେଦନକାରୀ ନିଜେ କୌଣସି ସରକାରୀ ଚାକିରିରେ ନଥିବେ। କୌଣସି ସ୍ଥାନରୁ ନିୟମିତ ପାଠପଢ଼ା କିମ୍ବା ଚାକିରି କରୁ ନଥିବେ। ଆବେଦନ କରିବା ପାଇଁ ଆବଶ୍ୟକୀୟ ଡକ୍ୟୁମେଣ୍ଟଗୁଡ଼ିକ ମାଧ୍ୟମିକ ସ୍କୁଲ ସାର୍ଟିଫିକେଟ, ଉଚ୍ଚ ମାଧ୍ୟମିକ ସାର୍ଟିଫିକେଟ, ଆଇଟିଆଇ ଡିପ୍ଲୋମା କିମ୍ବା ପଲିଟେକ୍ନିକ ଡିପ୍ଲୋମା ଡିଗ୍ରୀ କିମ୍ବା ସ୍ନାତକ ଡିଗ୍ରୀ ହେବା ଉଚିତ।

ଆବେଦନ କରିବା ପାଇଁ, ପ୍ରଥମେ ଅଫିସିଆଲ ୱେବସାଇଟ https://pminternship.mca.gov.in/login/ କୁ ଯାଆନ୍ତୁ ଏବଂ Register Now କିମ୍ବା Youth Registration ଉପରେ କ୍ଲିକ କରନ୍ତୁ। ଏହି ଯୋଜନା ପାଇଁ ମନୋନୀତ ପ୍ରାର୍ଥୀମାନେ ସରକାରୀ ବିଭାଗ ଏବଂ ମନ୍ତ୍ରଣାଳୟ ସହିତ ଆଇଟି, ସଫ୍ଟୱେର୍‌ ବିକାଶ, ବ୍ୟାଙ୍କିଂ, ଅର୍ଥ, ମନୋରଞ୍ଜନ, କୃଷି ଇତ୍ୟାଦି ଅନେକ ବଡ଼ କ୍ଷେତ୍ରଗୁଡ଼ିକରେ କାମ କରିବାର ଏକ ମହାନ ସୁଯୋଗ ପାଇବେ।