ମୁମ୍ବାଇ,୨୨।୧୧: ମହାରାଷ୍ଟ୍ର ବିଧାନସଭା ନିର୍ବାଚନକୁ ନେଇ ସି-ଭୋଟର ପ୍ରତିଷ୍ଠାତା ୟଶୱନ୍ତ ଦେଶମୁଖ ଆଶ୍ଚର୍ଯ୍ୟଜନକ ତଥ୍ୟ ଦେଇଛନ୍ତି। ଭାରତୀୟ ଜନତା ପାର୍ଟି ନେତୃତ୍ୱାଧୀନ ଏନଡିଏ ବା ମହାୟୁତି ମେଣ୍ଟ ଏବଂ ମହାବିକାଶ ଆଗାଡି ମେଣ୍ଟ ପାଇଁ ସେ ପ୍ରାୟ ସମାନ ଭୋଟ ପୂର୍ବାନୁମାନ କରିଛନ୍ତି। ଏଥି ସହିତ, କେବଳ ୮ଟି ଆସନରେ ପାର୍ଥକ୍ୟ ଥିବାବେଳେ ୬୧ ଟି ଆସନରେ ସିଧା ଟକ୍କର ଦେଖାଯାଇଛି, ଯାହା ଉପରେ ମହାରାଷ୍ଟ୍ର ନିର୍ବାଚନର ଫଳାଫଳ ର୍ନିଭର କରିବ।
ୟଶୱନ୍ତ ଦେଶମୁଖ କହିଛନ୍ତି ଯେ ରାଜ୍ୟରେ ଏନଡିଏ ମେଣ୍ଟର ଭୋଟ ଅଂଶ ୪୧ ପ୍ରତିଶତ ହୋଇପାରେ, ବିରୋଧୀ ମେଣ୍ଟ ଇଣ୍ଡିଆର ଭୋଟ ଅଂଶ ୪୦ ପ୍ରତିଶତ ଏବଂ ଅନ୍ୟମାନଙ୍କ ପାଇଁ ୧୯ ପ୍ରତିଶତ ହୋପାରେ।
ଅର୍ଥାତ୍ ତାଙ୍କ ପୁର୍ବାନୁମାନନୁସାରେ
NDA- ୧୧୨
INDIA- ୧୦୪
OTH-୧୧
କିନ୍ତୁ ୬୧ ଆସନରେ କଡା ଟକ୍କର ଦେଖିବାକୁ ମିଳିପାରେ।
ୟଶୱନ୍ତ ଦେଶମୁଖ କହିଛନ୍ତି ଯେ, ମହାରାଷ୍ଟ୍ରର ପାଞ୍ଚ ଭାଗ ପାଞ୍ଚଟି ରାଜ୍ୟ ଭଳି। ରାଜ୍ୟର ଦୁଇଟି ଭାଗରେ ଏନଡିଏ ଏବଂ ଦୁଇ ଭାଗରେ ବିରୋଧୀ ଦଳ ଲିଡ୍ରେ ରହିଛି । କିନ୍ତୁ ଗୋଟିଏ ଗୋଟିଏ ଭାଗରେ କଡା ଟକ୍କର ଦେଖାଯାଇଛି। ମୁମ୍ବାଇ, ଉତ୍ତର ମହାରାଷ୍ଟ୍ର ଏବଂ କୋଙ୍କଣରେ ଭୋଟ ଅଂଶୀଦାରରେ ଏନଡିଏ ଲିଡ୍ କରୁଛି। ପଶ୍ଚିମ ମହାରାଷ୍ଟ୍ର ଏବଂ ମରାଠୱାଡାରେ ବିରୋଧୀ ଲିଡ୍ କରୁଛନ୍ତି। ବିଦର୍ଭ ହେଉଛି ଏକମାତ୍ର ସ୍ଥାନ ଯେଉଁଠାରେ ଭୋଟ ଅଂଶୀଦାର ଦୃଷ୍ଟିରୁ ପ୍ରତିଯୋଗିତା ନିକଟତର ଦେଖାଯାଉଛି। ବିଦର୍ଭ ନିଷ୍ପତ୍ତି ନେବେ ଯେ କିଏ ସର୍ବ ବୃହତ ଦଳ ହେବ ଏବଂ କେଉଁ ମେଣ୍ଟ ସଂଖ୍ୟାଗରିଷ୍ଠତା ହାସଲ କରିବ।
ଯଦି ଏହି କଡା ଟକ୍କର ହୋଇଥିବା ଭୋଟ ଗୋଟିଏ ପାର୍ଶ୍ୱକୁ ଯାଏ, ତେବେ ଏନଡିଏ କିମ୍ବା MVA ପାଇଁ ବିଜୟୀ ହେବ। କିନ୍ତୁ ଯଦି ଏହି ସିଟ ଗୁଡିକ ବିଭାଜିତ ହୋଇ ୩୦-୩୦ ଉଭୟ ପାର୍ଶ୍ୱକୁ ଯାଏ, ତେବେ ଫଳାଫଳ ଝୁଲା ରହିବ।