ନଡ୍ଡା ଗଲେ କ୍ୟାବିନେଟ, ଏବେ କିଏ ହେବେ ଭାଜପା ଅଧ୍ୟକ୍ଷ, ଆଗରେ ରହିଛି ଏହି ସବୁ ନାଁ
04 ନୂଆଦିଲ୍ଲୀ,୧୧।୬: ଭାଜପା ପାଇବ ନୂଆ ଅଧ୍ୟକ୍ଷ। ଏଥିପାଇଁ ସେପ୍ଟେମ୍ବର ସୁଦ୍ଧା ଭାଜପାର ଅଧ୍ୟକ୍ଷ ନିର୍ବାଚନ ହେବାର ସମ୍ଭାବନା ରହିଛି। ନୂତନ ଅଧ୍ୟକ୍ଷ ନିଯୁକ୍ତ ହେବା ପର୍ଯ୍ୟନ୍ତ ଜେପି ନଡ୍ଡା ଅଧ୍ୟକ୍ଷ ରହିବେ। ଅନ୍ୟପଟେ ନଡ୍ଡାଙ୍କୁ କ୍ୟାବିନେଟରେ ସ୍ଥାନ ଦିଆଯାଇଛି, ଏଭଳି ପରିସ୍ଥିତିରେ ଭାଜପା ଏକ ନୂତନ ଅଧ୍ୟକ୍ଷ ପାଇବ ବୋଲି ନିଶ୍ଚିତ ଭାବେ ବିବେଚନା କରାଯାଉଛି। ତେବେ ଅଧ୍ୟକ୍ଷ ରେସ୍ରେ ଅନେକ ନାମ ଜଡିତ ରହିଛି। ସେମାନଙ୍କ ମଧ୍ୟରେ ବିନୋଦ ତାୱଡେଙ୍କ ନାମ ମଧ୍ୟ ଅଛି। ତାୱଡେ ଭାଜପାର ମହାସଚିବ। ମହାରାଷ୍ଟ୍ର ସରକାରରେ ମନ୍ତ୍ରୀ ଥିବା ତାୱଡେଙ୍କୁ ବି.ଏଲ ସାନ୍ତୋଷଙ୍କ ପରେ ସବୁଠାରୁ ପ୍ରଭାବଶାଳୀ ମହାସଚିବ ଭାବେ ବିବେଚନା କରାଯାଏ।
ଏହି ଦୌଡ଼ରେ ଭାଜପା ଓବିସି ମୋର୍ଚ୍ଚା ମୁଖ୍ୟ କେ ଲକ୍ଷ୍ମଣଙ୍କ ନାମ ମଧ୍ୟ ରହିଛି। ଲକ୍ଷ୍ମଣ ତେଲଙ୍ଗାନାରୁ ଆସିଛନ୍ତି। ବର୍ତ୍ତମାନ ମହାସଚିବ ଥିବା ସୁନୀଲ ବଂଶଲଙ୍କ ନାଁ ମଧ୍ୟ ଚର୍ଚ୍ଚାରେ ରହିଛି। ଏହା ସହିତ ସୁନୀଲ ବଂଶଲ ପଶ୍ଚିମବଙ୍ଗ, ତେଲେଙ୍ଗାନା ଏବଂ ଓଡିଶା ଭଳି ତିନୋଟି ରାଜ୍ୟର ଦାୟିତ୍ୱରେ ଅଛନ୍ତି। ବିଶ୍ୱାସ କରାଯାଉଛି ଯେ ରାଜସ୍ଥାନର ରାଜ୍ୟ ସଭା ସଦସ୍ୟ ଏବଂ ଭୌରନ ସିଂ ଶେଖାୱାତଙ୍କ ଶିଷ୍ୟ ଓମ ମାଥୁର ମଧ୍ୟ ଭାଜପାର ରାଷ୍ଟ୍ରୀୟ ଅଧ୍ୟକ୍ଷ ରେସ୍ରେ ଅଛନ୍ତି।