ନୂଆଦିଲ୍ଲୀ,୨୭।୯: ଦିଲ୍ଲୀ ହାଇକୋର୍ଟ ଆମ୍ ଆଦମୀ ପାର୍ଟିକୁ ଏକ ବଡ଼ ଝଟକା ଦେଇଛନ୍ତି। ଲ୍ୟୁଟନାଣ୍ଟ ଗଭର୍ନର ଭି.କେ. ସକ୍ସେନାଙ୍କ ବିରୋଧରେ ଥିବା ସମସ୍ତ ବିବାଦୀୟ ସୋସିଆଲ ମିଡିଆରୁ ପୋଷ୍ଟ ହଟାଇବାକୁ ହାଇକୋର୍ଟ ଦଳକୁ ନିର୍ଦ୍ଦେଶ ଦେଇଛନ୍ତି। ଏଲଜି ଦାଖଲ କରିଥିବା ମାନହାନି ମାମଲାରେ ହାଇକୋର୍ଟ ଏହି ମଧ୍ୟବର୍ତ୍ତିକାଳୀନ ରାୟ ଦେଇଛନ୍ତି। ଅପମାନଜନକ ଟୁଇଟ୍ ଏବଂ ଅନ୍ୟାନ୍ୟ ପୋଷ୍ଟ ହଟାଇବାକୁ ଆମ ଆଦମୀ ପାର୍ଟି ଏବଂ ଏହାର ନେତାମାନଙ୍କୁ ହଟାଇବାକୁ ନିର୍ଦ୍ଦେଶ ଦେବାକୁ ସକ୍ସେନା କୋର୍ଟରେ ଆବେଦନ କରିଥିଲେ।
ସୂଚନାଯୋଗ୍ୟ, ଲ୍ୟୁଟନାଣ୍ଟ ଗଭର୍ନରଙ୍କ ଦିଲ୍ଲୀ ସରକାରଙ୍କ ଅବକାରୀ ନୀତି ବିରୋଧରେ ସିବିଆଇ ଯାଞ୍ଚ୍ ଆଦେଶ ଦେଇଥିଲେ। ଏହାକୁ ନେଇ ଏଏପି ଏବଂ ଲ୍ୟୁଟନାଣ୍ଟ ଗଭର୍ନରଙ୍କ ମଧ୍ୟରେ ବିବାଦ ଆରମ୍ଭ ହୋଇଥିଲା। ଏଏପି ନେତାମାନେ ଲ୍ୟୁଟନାଣ୍ଟ ଗଭର୍ନରଙ୍କ ନାଁରେ ୧୪୦୦ କୋଟି ଟଙ୍କାର ଦୁର୍ନୀତି ଅଭିଯୋଗ ଆଣିଥିଲେ। ଏନେଇ ସକ୍ସେନା ୫ ଏଏପି ବିଧାୟକଙ୍କ ନାଁରେ ମାନହାନି ମକଦ୍ଦମା ଦାୟର କରିଥିଲେ।
