ଚଣ୍ଡିଗଡ,୨୭।୩: ପଞ୍ଜାବର ଆମ ଆଦମୀ ପାର୍ଟି ବୁଧବାର ଏକ ବଡ଼ ଝଟ୍କା ଲାଗିଛି। ଦଳର ଏକମାତ୍ର ଏମ୍ପି ସୁଶୀଲ କୁମାର ରିଙ୍କୁ ଭାଜପାରେ ଯୋଗ ଦେଇଛନ୍ତି। ଦଳ ଜଲନ୍ଧରରୁ ରିଙ୍କୁଙ୍କୁ ଟିକେଟ ଦେଇଥିଲା। ତାଙ୍କ ସହ ଜଲନ୍ଧର ଓ୍ବେଷ୍ଟ ଶୀତଲ ଅଙ୍ଗୁରାଲରୁ ଏଏପି ବିଧାୟକ ମଧ୍ୟ ଭାଜପାରେ ଯୋଗ ଦେଇଥିଲେ। ଏହାପୂର୍ବରୁ ଶୀତଲ ଆଙ୍ଗୁରାଲ ଦଳରୁ ଇସ୍ତଫା ଦେଇଛନ୍ତି।
ଭାଜପାରେ ଯୋଗଦେବା ପରେ ସୁଶୀଲ କୁମାର ରିଙ୍କୁ କହିଛନ୍ତି, ଏହା ସତ୍ୟ ଯେ ମୁଁ ଜଲନ୍ଧରବାସୀଙ୍କୁ ଦେଇଥିବା ପ୍ରତିଶ୍ରୁତି ପୂରଣ ହୋଇ ନାହିଁ କାରଣ ମୋ ଦଳ (ଏଏପି) ମୋତେ ସମର୍ଥନ କରୁନାହିଁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ ସ୍ବରାଷ୍ଟ୍ରମନ୍ତ୍ରୀ ଅମିତ ଶାହାଙ୍କ କାର୍ଯ୍ୟ ଶୈଳୀ ମୋତେ ପ୍ରଭାବିତ କରିଛି।
ସୂଚନାନୁସାରେ, ଭାଜପାରେ ଯୋଗଦେବା ପରେ ରିଙ୍କୁ ବର୍ତ୍ତମାନ ଲୋକସଭା ର୍ନିବାଚନରେ ବିଜେପି ଟିକେଟରେ ପ୍ରତିଦ୍ୱନ୍ଦ୍ୱିତା କରିବାର ସମ୍ଭାବନା ରହିଛି।