ଦୁବାଇ,୧୨।୧୧: ଅଷ୍ଟ୍ରେଲିଆ ଏବଂ ନ୍ୟୁଜିଲାଣ୍ଡର ଦଳ ମଧ୍ୟରେ ଟାଇଟଲ ମୁକାବିଲା ୧୪ ନଭେମ୍ବରରେ ଅନୁଷ୍ଠିତ ହେବ। ଏହାପୂର୍ବରୁ କିୱି ଦଳ ଏକ ବଡ଼ ଝଟ୍କା ଲାଗିଛି। ଆହତ କାରଣରୁ ଡେଭନ କନୱେ ଫାଇନାଲରୁ ବଞ୍ଚିତ ହେବେ। ଇଂଲଣ୍ଡ ବିପକ୍ଷ ସେମିଫାଇନାଲ ମ୍ୟାଚରେ ସେ ଆହତ ହୋଇଥିଲେ। ଏହି ମ୍ୟାଚରେ କନୱେ ୪୬ ରନର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ। ସେହିଭଳି ନଭେମ୍ବର ୧୭ରୁ ଭାରତ ବିପକ୍ଷ ଟି -୨୦ ଏବଂ ଟେଷ୍ଟ ସିରିଜରୁ ମଧ୍ୟ କନୱେଙ୍କୁ ବାଦ ଦିଆଯାଇଛି। ନ୍ୟୁଜିଲାଣ୍ଡ ଏକ ବଡ ଝଟ୍କାର ସମ୍ମୁଖୀନ ହୋଇଛି।
ଇଂଲଣ୍ଡ ବିପକ୍ଷ ମ୍ୟାଚରେ ଆଉଟ୍ ହେବା ପରେ କନୱେ ତାଙ୍କ ହାତରେ ବ୍ୟାଟ ମାରିଥିଲେ। ଏହା ପରେ ସେ ତାଙ୍କ ହାତରେ ଯନ୍ତ୍ରଣା ଅନୁଭବ କଲେ। ପରେ ସ୍କାନରେ ଦେଖାଗଲା ଯେ ତାଙ୍କ ଡାହାଣ ହାତର ହାଡ ଭାଙ୍ଗି ଯାଇଛି। ଏହି ବିଶ୍ୱକପରେ ନ୍ୟୁଜିଲାଣ୍ଡ ପାଇଁ ଏହା ହେଉଛି ଦ୍ୱିତୀୟ ଝଟକା। ଏହାପୂର୍ବରୁ ଲକି ଫର୍ଗୁସନ ମଧ୍ୟ ଆହତ କାରଣରୁ ବାହର ହୋଇଥିଲା। କନୱେ ଏହି ବିଶ୍ୱକପ୍ରେ ୧୦୮.୪୦ ହାରରେ ୬ଟି ମ୍ୟାଚ୍ରେ ୧୨୯ ରନ ସ୍କୋର କରିଥିଲେ। ଇଂଲଣ୍ଡ ବିପକ୍ଷ ମ୍ୟାଚରେ ନ୍ୟୁଜିଲାଣ୍ଡ ଚମତ୍କାର ବ୍ୟାଟିଂ କରିଥିଲା। ୧୬୭ ଓଭରରେ କିୱି ଦଳ ୧୯ ଓଭରରେ ହାସଲ କରିଥିଲେ। ଏହି ମ୍ୟାଚରେ କନୱେ ଡାରିଲ ମିଚେଲଙ୍କ ସହ ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ।