ପୁଣେ,୧।୮: ମହାରାଷ୍ଟ୍ରର ପୂର୍ବତନ ଟ୍ରେନି ଆଇଏଏସ ପୂଜା ଖେଡକରଙ୍କୁ କୋର୍ଟରୁ ଏକ ବଡ଼ ଝଟକା ଲାଗିଛି। ଦିଲ୍ଲୀର ପଟିଆଲା ହାଉସ କୋର୍ଟ ତାଙ୍କୁ ଜାମିନ ଦେବାକୁ ମନା କରିଦେଇଛନ୍ତି। ଦିଲ୍ଲୀ ପୋଲିସର କ୍ରାଇମବ୍ରାଞ୍ଚ ତାଙ୍କ ବିରୋଧରେ ଏଫଆଇଆର ରୁଜୁ କରିଥିଲା।
କୋର୍ଟରେ ପୂଜାଙ୍କ ଉପସ୍ଥିତି ଉପରେ କୋର୍ଟ ପ୍ରଶ୍ନ ଉଠାଇଥିଲେ। ସେ ଅନୁପସ୍ଥିତ ଥିବାରୁ କୋର୍ଟ ଅସନ୍ତୋଷ ବ୍ୟକ୍ତ କରିଛନ୍ତି। କୋର୍ଟ କହିଛନ୍ତି ଯେ, ଯଦି ଅଭିଯୁକ୍ତ ପୁରା ଅଧିବେଶନରେ ଥରେ ଉପସ୍ଥିତ ଥାଆନ୍ତି, ତେବେ ତାଙ୍କୁ ସର୍ବଦା ଉପସ୍ଥିତ ବିବେଚନା କରାଯିବ ନାହିଁ।
ୟୁପିଏସସି ଅଭିଯୋଗରେ ଦିଲ୍ଲୀ ପୋଲିସର କ୍ରାଇମ ବ୍ରାଞ୍ଚ ଏହି ଠକେଇ ମାମଲାରେ ପୂଜା ଖେଡକରଙ୍କ ବିରୋଧରେ ଏଫଆଇଆର ରୁଜୁ କରିଛି। କେନ୍ଦ୍ର ଜନସେବା ଆୟୋଗର ସିଭିଲ ସର୍ଭିସେସ ପରୀକ୍ଷା, ୨୦୨୨ ପାଇଁ ଆବେଦନ କରିଥିବା ପୂଜାରେ ମିଥ୍ୟା ତଥ୍ୟ ପ୍ରଦାନ କରିଥିବା ଅଭିଯୋଗ ହୋଇଥିଲା।
