କିଭ,୧।୧୦: ଅକ୍ଟୋବର ୧ ପୂର୍ବରୁ ସିନେଟରେ ଏହି ଅସ୍ଥାୟୀ ଫଣ୍ଡିଂ ବିଲ ପାରିତ ହୋଇଛି। ଫଳରେ ଶଟଡାଉନ ଆଶଙ୍କା ଆମେରିକାରେ ବର୍ତ୍ତମାନ ଟଳିଛି। ଏଥିରେ ୟୁକ୍ରେନକୁ ସହାୟତା ହ୍ରାସ କରାଯାଇଛି। ଏହା ଦ୍ୱାରା ୟୁକେନ୍କୁ ବଡ଼ ଝଟକା ଲାଗିଛି। ଏହି ପ୍ୟାକେଜ ବର୍ତ୍ତମାନର ୨୦୨୩ ସ୍ତରରେ ନଭେମ୍ବର ମଧ୍ୟଭାଗ ପର୍ଯ୍ୟନ୍ତ ରାଷ୍ଟ୍ରପତି ଜୋ ବାଇଡେନ ସରକାରଙ୍କୁ ପାଣ୍ଠି ଯୋଗାଇବ ଏବଂ ଫେଡେରାଲ ଆଭିଏଶନ ଆଡମିନିଷ୍ଟ୍ରେଶନ ସହିତ ଅନ୍ୟାନ୍ୟ ବ୍ୟବସ୍ଥା ମଧ୍ୟ ବିସ୍ତାର କରିବ।
ଅଧିକାଂଶ ରିପବ୍ଲିକାନ ଏବଂ ପ୍ରାୟ ସମସ୍ତ ଡେମୋକ୍ରାଟ ସମର୍ଥନ କରୁଥିବା ଏହି ପ୍ୟାକେଜ ହାଉସ ୩୩୫-୯୧ ଭୋଟ ଦ୍ୱାରା ଅନୁମୋଦିତ ହୋଇଛି। ସିନେଟରେ ଏହା ୮୮-୯ ଭୋଟରେ ପାରିତ ହୋଇଛି। ଏହି ସମୟରେ, ଉଭୟ ଦଳର ସଦସ୍ୟମାନେ ୟୁକ୍ରେନର ରାଷ୍ଟ୍ରପତିଙ୍କ ଭୋଲୋଡିମିର ଜେଲେନସ୍କିଙ୍କୁ ୱାଶିଂଟନ ଗସ୍ତ ସମୟରେ ସହାୟତା ପ୍ରଦାନ ପାଇଁ କରିଥିବା ପ୍ରତିଶ୍ରୁତିରେ ବାଧା ସୃଷ୍ଟି ହୋଇଛି। ଫଳରେ ୟୁକ୍ରେନର ସମସ୍ୟା ବଢ଼ିବାର ଆଶଙ୍କା ରହିଛି।
