ଭୁବନେଶ୍ୱର,୨୪।୧୨: ରାଜ୍ୟର ପ୍ରମୁଖ ମନୋରଞ୍ଜନଭିତ୍ତିକ ଘରୋଇ ଓଡ଼ିଆ ଚ୍ୟାନେଲେ ଷ୍ଟାର କିରଣର ସ୍ବତନ୍ତ୍ର କାର୍ଯ୍ୟକ୍ରମ ‘ବଡ଼ଦିନ ବଡ଼ ସପ୍ତାହ’ ସମ୍ପର୍କରେ ଘୋଷଣା କରାଯାଇଛି। ବିଶେଷକରି ଚଳିତ ବର୍ଷ ଡିସେମ୍ବର ୨୪ରୁ ୧ ଜାନୁୟାରୀ ୨୦୨୩ ପର୍ଯ୍ୟନ୍ତ ଦର୍ଶକଙ୍କ ପାଇଁ ମନୋରଞ୍ଜନର ମହା ସମ୍ଭାରର ପ୍ରସ୍ତୁତ କରାଯାଇଛି। ଏପରିକି ଏହି ୯ଦିନିଆ ସ୍ବତନ୍ତ୍ର କାର୍ଯ୍ୟକ୍ରମରେ ୯ଟି ସିନେମା ପ୍ରତ୍ୟେକ ଦିନ ୧ ଟାରେ ପ୍ରଦର୍ଶିତ ହେବ। ଉଲ୍ଲେଖଯୋଗ୍ୟ, ଡିସେମ୍ବର ୨୪ (ଶନିବାର)ରେ ‘ଟଙ୍କା ତତେ ସଲାମ୍’, ଡିସେମ୍ବର ୨୫ (ରବିବାର)ରେ ‘ମୋ ଦୁନିଆ ତୁ ହିଁ ତୁ’, ଡିସେମ୍ବର ୨୬ (ସୋମବାର) ରେ ‘ମୀମାଂସା’, ଡିସେମ୍ବର ୨୭ (ମଙ୍ଗଳବାର)ରେ ‘ତାଣ୍ଡବ’, ଡିସେମ୍ବର ୨୮ (ବୁଧବାର)ରେ ‘ଲାଲ ଓଢ଼ଣି’, ଡିସେମ୍ବର ୨୯ (ଗୁରୁବାର)ରେ ‘ଅଦୃଶ୍ୟମ’, ଡିସେମ୍ବର ୩୦ (ଶୁକ୍ରବାର)ରେ ‘ଲୁଚକାଳି’, ଡିସେମ୍ବର ୩୧ (ଶନିବାର)ରେ ‘ଚରିତ୍ର’ ଏବଂ ଜାନୁୟାରୀ ୧(ରବିବାର)ରେ ‘କିଏ ସେ ଡାକୁଛି କୋଉଠି ମୋତେ’ର ପ୍ରସାରଣ କରାଯିବ।
ସେହିଭଳି ଡିସେମ୍ବର ୨୫ ସା ୫ଟାରେ ‘ତୋ ନା ର ମାନେ ହଁ’, ଡିସେମ୍ବର ୩୧ ସା ୬ଟା ୩୦ ରେ ‘ସହରୀ ବାଘ’ ଏବଂ ଜାନୁୟାରୀ ୧ ସା ୫ଟା ୩୦ ରେ ‘ପ୍ରେମରେ ରିସ୍କ ହେଲା ମୋତେ ଇସ୍କ’ ଭଳି ସୁପରହିଟ ଓଡ଼ିଆ ଚଳଚ୍ଚିତ୍ରର ୱାର୍ଲଡ ଟିଭି ପ୍ରିମିୟର ହେବ ବୋଲି ଷ୍ଟାର୍ କିରଣ ପକ୍ଷରୁ କୁହାଯାଇଛି। ଏପରିକି ଚ୍ୟାନେଲରେ ପ୍ରଥମ ୨ଟି ଚଳଚ୍ଚିତ୍ରରେ ମୁଖ୍ୟ ନାୟକ ଭାବେ ସମ୍ବିତ ଆଚାର୍ଯ୍ୟ ଅଭିନୟ କରିଥିବାବେଳେ ଶୈଳେନ୍ଦ୍ର ସାମନ୍ତରାୟ ଗୋଟିଏ ସିନେମାରେ ଅଭିନୟ କରିଛନ୍ତି। ଅପରପକ୍ଷରେ ବର୍ଷର ଶେଷ ଦିନଗୁଡିକରେ ଓଡ଼ିଆ ଦର୍ଶକମାନଙ୍କୁ ଉପରୋକ୍ତ ସିନେମା ଜରିଆରେ ମନୋରଞ୍ଜନ କରାଇବାର ପ୍ରୟାସ ଚ୍ୟାନେଲ ପକ୍ଷରୁ କରାଯାଇଛି।
ସୂଚନାଯୋଗ୍ୟ, ଯେ ଷ୍ଟାର୍ କିରଣରେ ପ୍ରଦର୍ଶିତ ହେଉଥିବା ଧାରାବାହିକ କିଏ ପର କିଏ ଆପଣାର ସ୍ବତନ୍ତ୍ର ଏପିସୋଡ୍ (ବଡ଼ ଅଧ୍ୟାୟ) ଡିିସେମ୍ବର ୨୫ ରାତି ୮ଟାରୁ ୯ ଟା ପର୍ଯ୍ୟନ୍ତ ପ୍ରସାରିତ ହେବ। ଏହି ଘଣ୍ଟାକର ମନୋରଞ୍ଜନ ଓ ରୋମାଞ୍ଚ ଭରା ଧାରାବାହିକକୁ ଆହୁରି ଚିତ୍ତାକର୍ଷକ କରିବା ପାଇଁ ଓଲିଉଡ୍ ଷ୍ଟାର୍ ସବ୍ୟସାଚୀ ମିଶ୍ର ମଧ୍ୟ ଉକ୍ତ ଏପିସୋଡ୍ରେ ଦେଖା ଦେବେ ବୋଲି ଚ୍ୟାନେଲ ପକ୍ଷରୁ କୁହାଯାଇଛି। ଏପରିକି ଉକ୍ତ ଏପିସୋଡ୍କୁ ଅଧିକ ସଂଖ୍ୟାର ଦର୍ଶକ ଦେଖିବାକୁ ଚ୍ୟାନେଲ ପକ୍ଷରୁ ଅନୁରୋଧ କରାଯାଇଛି।
