ଛୋଟ ପରଦାର ସବୁଠାରୁ ଚର୍ଚ୍ଚିତ ରିଆଲିଟି ଶୋ’ ବିଗ୍ ବସ୍। ବିଗ୍ ବସ୍ -୧୪କୁ ନେଇ ପ୍ରଶଂସକମାନେ ବେଶ୍ ଉତ୍ସାହିତ ଅଛନ୍ତି। କାରଣ ଏଥର ଶୋ’କୁ ନୂଆ ରୂପରେ ଦେଖିବାକୁ ମିଳିବ। ଯାହା ଶୁଣିବାକୁ ମିଳୁଛି ଶୋ’ର ଫର୍ମାଟରେ ବଡ଼ ପରିବର୍ତ୍ତନ ହେବାକୁ ଯାଉଛି। ଲକ୍ଡାଉନ୍ ସହ ମଧ୍ୟ ଏହାର ସଂଯୋଗ ରହିବ। ଏହି ସିଜିନ୍ରେ ଲକ୍ଡାଉନ୍ ସବୁଠାରୁ ଖାସ୍ ରହିବ। ସାମାଜିକ ଦୂରତ୍ୱକୁ ମଧ୍ୟ ଗୁରୁତ୍ୱ ଦିଆଯିବ। ବିଗ୍ ବସ୍-୧୪ର ଟ୍ୟାଗ୍ଲାଇନ୍ ବିଗ୍ ବସ୍ ୧୪: ଲକ୍ଡାଉନ୍ ରହିବ ବୋଲି ଶୁଣିବାକୁ ମିଳୁଛି। ତେବେ ଖାସ୍ କଥା ହେଲା ଏଥର ଶୋ’ରେ ପ୍ରତିଯୋଗୀଙ୍କୁ ବାହ୍ୟ ଜଗତ ସହ ଯୋଗାଯୋଗ ପାଇଁ ଅନୁମତି ମିଳିବ। ଅର୍ଥାତ୍ ସେମାନେ ମୋବାଇଲ ଫୋନ୍ ବ୍ୟବହାର କରିପାରିବେ। ଅକ୍ଟୋବର ଶେଷ ସପ୍ତାହରୁ ଶୋ’ଆରମ୍ଭ ହେବ। ଶୋ’ ଆରମ୍ଭ ପୂର୍ବରୁ ସମସ୍ତ ପ୍ରତିଯୋଗୀଙ୍କର କରୋନା ଟେଷ୍ଟ କରାଯିବ।
