ବମ୍ବେ: ‘ବିଗ୍ ବସ୍’ର ୧୬ତମ ସଂସ୍କରଣ ଅନେକ ପ୍ରତିଯୋଗୀଙ୍କୁ ନେଇ ଚର୍ଚ୍ଚାରେ ରହିଥିଲା। ସେମାନଙ୍କ ମଧ୍ୟରୁ ଜଣେ ଥିଲେ ଶିବ ଠାକ୍ରେ। ଟ୍ରଫି ଜିତି ନ ଥିଲେ ମଧ୍ୟ ସେ ଦର୍ଶକଙ୍କ ହୃଦୟ ଜିତିବାରେ ସଫଳ ହୋଇଥିଲେ। ଶୋ’ ପରେ ସେ ‘ଖତ୍ରୋ କେ ଖିଲାଡ଼ି’ରେ ଜବରଦସ୍ତ ଷ୍ଟଣ୍ଟ କରୁଥିବା ଦେଖାଯାଇଥିଲା।
ଏବେ ସେ ଡ୍ୟାନ୍ସ ରିଆଲିଟି ଶୋ’ ‘ଝଲକ ଦିଖ୍ଲା ଯା’ରେ ନଜର ଆସୁଛନ୍ତି। ଏସବୁ ମଧ୍ୟରେ ଏବେ ତାଙ୍କର ଏକ ଭିଡିଓ ଭାଇରାଲ ହେଉଛି। ଯାହାକୁ ଦେଖି ଆପଣ ଚକିତ ହେବେ ନିଶ୍ଚୟ। ଖରାପ ଅବସ୍ଥାରେ ସେ ରାସ୍ତାରେ ଭିକ ମାଗୁଥିବା ଦେଖାଯାଉଛି। ଏଭଳି ଅବସ୍ଥା ଦେଖି ତାଙ୍କୁ ଚିହ୍ନିବା ମୁସ୍କିଲ ହେଉଛି।
ଭିଡିଓରେ ଶିବ ତାଙ୍କ ମୁହଁରେ ପ୍ରୋସ୍ଥେଟିକ୍ ମେକ୍ଅପ୍ କରୁଥିବା ଦେଖାଯାଉଛି। ଏହାପରେ ସେ ବେଶ ଭୟଙ୍କର ଲାଗୁଛନ୍ତି। ମେକ୍ଅପ୍ କରି ନିଜର ରୂପ ବଦଳାଇବା ପରେ ସେ ପ୍ରାଙ୍କ କରିବା ଲାଗି ରାସ୍ତାକୁ ଯାଉଛନ୍ତି। ଏପରିକି ସେ ଜଣଙ୍କ ପରେ ଜଣଙ୍କୁ ଭିକ ମାଗୁଛନ୍ତି।
ଏକ ଶୋ’ ରୁମ୍ରେ ଗାର୍ଡ ତାଙ୍କୁ ବାହାର କରିଦେଉଛନ୍ତି। ସେହିଭଳି ଜଣେ ମହିଳା ଶିବଙ୍କୁ ଦେଖି ଭୟରେ ଚିଲ୍ଲାଉଛନ୍ତି। ଶେଷରେ ଏକ ଅଟୋ ଡ୍ରାଇଭର ତାଙ୍କୁ ଟଙ୍କା ଦେଉଛନ୍ତି। ଏସବୁ ଦେଖି ଲୋକେ ‘ଆଇ’ ଫିଲ୍ମ ମନେ ପଡ଼ୁଥିବା କହିଛନ୍ତି।
ଆପଣ ବି ଦେଖନ୍ତୁ ଭିଡିଓ: