ପାଟନା, ୧୪।୧୦: ବିହାର ବିଧାନସଭା ନିର୍ବାଚନ ପାଇଁ ନାମାଙ୍କନ ପ୍ରକ୍ରିୟା ଆରମ୍ଭ ହୋଇଯାଇଛି। ବିରୋଧୀ ଦଳର ନେତା ତଥା ଲାଲୁ ପ୍ରସାଦ ଯାଦବଙ୍କ ସାନ ପୁଅ ତେଜସ୍ବୀ ଯାଦବ ବୁଧବାର ବୈଶାଳୀର ରାଧୋପୁର ଆସନରୁ ନାମାଙ୍କନ ପତ୍ର ଦାଖଲ କରିଛନ୍ତି। ଏହାପୂର୍ବରୁ ସେ ମା’ ତଥା ବିବାହାର ପୂର୍ବତନ ମୁଖ୍ୟମନ୍ତ୍ରୀ ରାବିଡି ଦେବୀ ଏବଂ ଭାଇ ତେଜ ପ୍ରତାପ ଯାଦବଙ୍କ ପାଦ ଛୁଇଁ ଆଶୀର୍ବାଦ ନେଇଥିଲେ। ପୁଅଙ୍କୁ ମା’ ମିଠା ଦହି ଖୁଆଇ ଦେଉଥିବା ମଧ୍ୟ ଦେଖାଯାଇଥିଲା। ନାମାଙ୍କନ ପତ୍ର ଦାଖଲ କରିବା ପୂର୍ବରୁ ତେଜସ୍ବୀ ଯାଦବ ନିର୍ବାଚନ ପ୍ରତିଶ୍ରୁତି ନିଜ ଟ୍ବିଟରରେ ପୁନରାବୃତ୍ତି କରିଥିଲେ। ଫଟୋ ଶେୟାର କରିସେ ଲେଖିଛନ୍ତି, ମୁଁ ଏକ ପ୍ରତିଜ୍ଞା କରିଛି ଯେ ମୁଁ ବିହାରର ସ୍ବାର୍ଥରେ ସବୁବେଳେ କାମ କରିବି। ଯେପର୍ଯ୍ୟନ୍ତ ମୁଁ ପ୍ରତ୍ୟେକ ବିହାରୀଙ୍କୁ ସେମାନଙ୍କ ଅଧିକାର ନ ଦେଇଛି ସେ ପର୍ଯ୍ୟନ୍ତ ମୁଁ ଶାନ୍ତିରେ ବସିବି ନାହିଁ।
