ପାଟନା,୧୯।୮: ବିହାର ବିଧାନସଭା ନିର୍ବାଚନ ପୂର୍ବରୁ ରାଜନୀତି ସରଗରମ ହେବାରେ ଲାଗିଛି। ନିର୍ବାଚନ ପୂର୍ବରୁ ନେତାଙ୍କ ଦଳ ଅଦଳ ବଦଳ ନୀତି ଜୋରସୋରରେ ଚାଲିଛି। ନିକଟରେ ଏକ ବଡ଼ ଖବର ସାମ୍ନାକୁ ଆସିଛି। ଆରଜେଡ଼ି ମୁଖ୍ୟ ଲାଲୁ ପ୍ରସାଦ ଯାଦବଙ୍କ ସମୁଦି ତଥା ବିଧାୟକ ଚନ୍ଦ୍ରିକା ରାୟ ଆରଜେଡି ଛାଡ଼ି ଜେଡିୟୁରେ ସାମିଲ ହେବାକୁ ଯାଉଛନ୍ତି। ଚନ୍ଦ୍ରିକାଙ୍କ ବ୍ୟତୀତ ଅନ୍ୟ ୨ ବିଧାୟକ ଫରାଜ ଫାତମୀ ଓ ଜୟବର୍ଦ୍ଧନ ଯାଦବ ଜେଡିୟୁରେ ସାମିଲ ହେବେ ବୋଲି କୁହାଯାଉଛି। ଏହି ୩ବିଧାୟକମାନେ ଗୁରୁବାର ଜେଡିୟୁରେ ସାମିଲ ହୋଇପାରନ୍ତି। ସୂଚନାଯୋଗ୍ୟ, ଚନ୍ଦ୍ରିକା ରାୟ ଲାଲୁଙ୍କ ବଡ଼ ପୁଅ ତେଜ ପ୍ରତାପଙ୍କ ଶଶୂର ହୋଇଥିବା ବେଳେ ଗତ କିଛି ଦିନରୁ ୨ ପରିବାରର ସମ୍ପର୍କ ମଧ୍ୟରେ ଫାଟ ସୃଷ୍ଟି ହୋଇଛି। ସମ୍ପର୍କରେ ତିକ୍ତତା ଆସିବା ପରେ ଚନ୍ଦ୍ରିକା ବିହାର ଛପରାର ପରସା ଆସନରୁ ବିଧାୟକ ଥିବା ବେଳେ ଫେବୃଆରୀରୁ ଆରଜେଡି ଛାଡିଦେଇଛନ୍ତି।