ପାଟନା,୩୦।୧୨: ବିହାରରେ ଦଳର ଉପାଧ୍ୟକ୍ଷ ତଥା ପୂର୍ବତନ ବିଧାୟକ ରାଜୀବ ରଞ୍ଜନଙ୍କ ବିରୋଧରେ ଭାଜପା ବଡ଼ କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଭାଜପା ରାଜ୍ୟ ଅଧ୍ୟକ୍ଷ ଡା.ସଞ୍ଜୟ ଜୟସ୍ବାଲ ରାଜୀବଙ୍କୁ ପ୍ରାଥମିକ ସଦସ୍ୟତାରୁ ୬ବର୍ଷ ପାଇଁ ନିଲମ୍ବିତ କରିଛନ୍ତି। ଦଳ ବିରୋଧୀ ମନ୍ତବ୍ୟ ଯୋଗୁ ତାଙ୍କ ବିରୋଧରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ବୋଲି ସଞ୍ଜୟ କହିଛନ୍ତି। ଏହା ପୂର୍ବରୁ ଦଳର ଭାବମୂର୍ତ୍ତିକୁ ମଳିନ କରୁଥିବା ମନ୍ତବ୍ୟ ନ ଦେବା ପାଇଁ ତାଙ୍କୁ ଚେତାବନୀ ଦିଆଯାଇଥିଲା। କିନ୍ତୁ ଲଗାତର ଭାବେ ବିବାଦୀୟ ମନ୍ତବ୍ୟ ଯୋଗୁ ତାଙ୍କୁ ଦଳରୁ ନିଲମ୍ବିତ କରାଯାଇଛି ବୋଲି ସେ କହିଛନ୍ତି। ଅନ୍ୟପଟେ କିଛି ସମୟ ପୂର୍ବରୁ ରାଜୀବ ରଞ୍ଜନ ନିଜ ଇସ୍ତଫା ପତ୍ର ଦାଖଲ କରିବା ସହ ଦଳର ନେତୃତ୍ୱ ବିରୋଧରେ ଅନେକ ଗମ୍ଭୀର ଅଭିଯୋଗ କରିିଥିଲେ।
