ବକ୍ସର,୧୨।୧: କେନ୍ଦ୍ରମନ୍ତ୍ରୀ ଅଶ୍ୱିନୀ ଚୌବେଙ୍କ କନ୍ଭେ ଉପରେ ଗୁରୁବାର ସନ୍ଧ୍ୟାରେ ପଥରମାଡ଼ ହୋଇଛି। ଏଥିରେ କେନ୍ଦ୍ରମନ୍ତ୍ରୀ ଅଳ୍ପକେ ବର୍ତ୍ତିଯିବା ସହ ସୁରକ୍ଷାକର୍ମୀଙ୍କ ବଳୟରେ ସୁରକ୍ଷିତ ଭାବେ ତାଙ୍କୁ ବାହାରକୁ ନିଆଯାଇଥିଲା। ଏହି ଘଟଣା ବିହାରର ବକ୍ସର ଜିଲାର ବନାରପୁର ଗ୍ରାମରେ ଘଟିଛି। ସୂଚନା ମୁତାବକ, ବକ୍ସରର ଚୌସା ସ୍ଥିତ ଥର୍ମାଲ ପାଓ୍ବାର ପ୍ଲାଣ୍ଟର ଜମି ଅଧିଗ୍ରହଣ ମାମଲାରେ କ୍ଷତିପୂରଣ ଦାବିରେ କୃଷକମାନେ ପ୍ରଦର୍ଶନ କରୁଥିଲେ। ଏଥିସହ ଚୌସାରେ ମହିଳା ଓ ଶିଶୁଙ୍କ ଉପରେ ପୋଲିସର ଲାଠିିଚାର୍ଜ, ନାବାଳକ ଶିଶୁଙ୍କୁ ଗିରଫ କରିବା ନେଇ ଲୋକମାନେ ଆନ୍ଦୋଳନ କରିଥିଲେ। ସେତିକିବେଳେ ବକ୍ସରରେ ପହଞ୍ଚିଥିବା ଏମ୍ପିଙ୍କୁ ଗ୍ରାମବାସୀଙ୍କ କ୍ରୋଧର ସାମ୍ନା କରିବାକୁ ପଡିଥିଲା। ଏହି ସମୟରେ କୃଷକଙ୍କ ସହ ଆଲୋଚନା ପାଇଁ କେନ୍ଦ୍ରମନ୍ତ୍ରୀ ବନାରପୁରରେ ପହଞ୍ଚିଥିଲେ। କୃଷକଙ୍କ ସହ ଆଲୋଚନା କରୁଥିବା ବେଳେ ହଠାତ୍ ଆନ୍ଦୋଳନକାରୀ ଉତ୍ତ୍ୟକ୍ତ ହୋଇପଡ଼ି ତାଙ୍କ ବିରୋଧରେ ନାରାବାଜି କରିବା ସହ ଗାଡ଼ି ଉପରକୁ ପଥରମାଡ଼ କରିଥିଲେ। ଏହି ସମୟରେ କେନ୍ଦ୍ରମନ୍ତ୍ରୀଙ୍କ ସୁରକ୍ଷାରେ ସୁରକ୍ଷାକର୍ମୀ ଓ ଏକ୍ସର୍ଟଙ୍କ ଦ୍ୱାରା ବଡ଼ ତ୍ରୁଟି ହୋଇଥିବା କୁହାଯାଉଛି।