ପାଟନା,୨୮।୮: ବିହାରରେ ଜେଡିୟୁ ଭାଜପା ସହ ସମ୍ପର୍କ ଭାଙ୍ଗିବା ପରେ ପରସ୍ପର ମଧ୍ୟରେ ଆରୋପ-ପ୍ରତ୍ୟାରୋପ ଲାଗି ରହିଛି। ନୀତୀଶ କୁମାର ସରକାରଙ୍କ ପତନ ହେବାର ଭବିଷ୍ୟବାଣୀ ସେ କରିଥିବା ନିକଟରେ ଭାଜପାର ବରିଷ୍ଠ ନେତା ସୁଶୀଲ କୁମାର ମୋଦି କହିଥିଲେ। ଏହାର ଜବାବରେ ରବିବାର ନୀତୀଶ କହିଛନ୍ତି, ଯଦି ସୁଶୀଲ ଜୀ କହୁଛନ୍ତି, ତେବେ ତାଙ୍କୁ କୁହନ୍ତୁ ପ୍ରତିଦିନ ଏପରି କିଛି କଥା କହିବେ, ଯାହା ଦ୍ୱାରା ସରକାର ଭାଙ୍ଗିଯିବ ଏବଂ କେନ୍ଦ୍ର ସରକାର ତାଙ୍କ ଉପରେ ଖୁସି ହେବା ସହ ଗୋଟିଏ ପଦବୀ ଦେବେ। ଯେତେବେଳେ ଜେଡିୟୁ ଭାଜପା ସହିତ ସରକାର ଗଠନ କରିଥିଲା, ସୁଶୀଲ ଜୀଙ୍କୁ କୌଣସି ପଦବୀ ଦିଆଯାଇ ନ ଥିଲା ତେଣୁ ସେ ଚିନ୍ତାରେ ଥିଲେ। ଏବେ ଏଭଳି କଥା କହି କେନ୍ଦ୍ର ସରକାରଙ୍କ ହୃଦୟ ଜିତିବାକୁ ଚାହୁଁଛନ୍ତି।
ସୂଚନାଯୋଗ୍ୟ, ନିକଟରେ ବିହାରରେ ନୀତୀଶ କୁମାର ଭାଜପା ହାତଛାଡି ପୁରୁଣା ସହଯୋଗୀ ଆରଜେଡି ସହ ମିଶି ସରକାର ଗଠନ କରିଥିଲେ।