ନୂଆଦିଲ୍ଲୀ,୧୨।୪: ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ଏବଂ ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବ ବୁଧବାର ସନ୍ଧ୍ୟାରେ ଦିଲ୍ଲୀ ମୁଖ୍ୟମନ୍ତ୍ରୀ ତଥା ଏଏପିର ରାଷ୍ଟ୍ରୀୟ ସଂଯୋଜକ ଅରବିନ୍ଦ କେଜ୍ରିଓ୍ବାଲଙ୍କୁ ଭେଟିଛନ୍ତି। ଏହା ପୂର୍ବରୁ ନୀତୀଶ କୁମାର ଦିଲ୍ଲୀରେ କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଭେଟିଥିଲେ।
ନୀତୀଶଙ୍କୁ ଭେଟିବା ପରେ କେଜ୍ରିଓ୍ବାଲ କହିଛନ୍ତି ଯେ, ବର୍ତ୍ତମାନ ଦେଶ ଏକ କଷ୍ଟଦାୟକ ସମୟ ଦେଇ ଗତି କରୁଛି। ଦେଶର ସମସ୍ତ ବିରୋଧୀ ଦଳ ଏକାଠି ହୋଇ ସରକାର ପରିବର୍ତ୍ତନ କରିବା ଆବଶ୍ୟକ। ନୀତୀଶ କୁମାରଙ୍କ ପଦକ୍ଷେପକୁ ନେଇ ଆମେ ତାଙ୍କ ସାଙ୍ଗରେ ଅଛୁ। ସ୍ବାଧୀନତା ପରେ ଅଧିକାଂଶ ଦୁର୍ନୀତିଗ୍ରସ୍ତ ସରକାର ଏହି ସମୟରେ ସରକାରରେ ଅଛନ୍ତି। କେଜ୍ରିଓ୍ବାଲ କହିଛନ୍ତି ଯେ ତଥାପି ଅନେକ ପ୍ରଶ୍ନ ଅଛି, କିନ୍ତୁ ଧୀରେ ଧୀରେ ସେଗୁଡ଼ିକର ଉତ୍ତର ମିଳିଯିବ। ଆମ ସମସ୍ତଙ୍କୁ କେନ୍ଦ୍ର ବିରୋଧରେ ଏକାଠି ଠିଆ ହେବାକୁ ପଡିବ।
