କେନ୍ଦ୍ରାପଡ଼ା,୨୫।୬(ଜଗନ୍ନାଥ ଧଳ)କେନ୍ଦ୍ରାପଡ଼ାର ଦୌଡରାଣୀ ଲିଜା ବେହେରା କ୍ରୀଡ଼ା ହଷ୍ଟେଲରୁ ଘରକୁ ଆସିଲେ ଦୌଡ ଅଭ୍ୟାସକୁ ରାସ୍ତାରେ ଜାରି ରଖିଛନ୍ତି ା ମହାକାଳପଡା ବ୍ଲକ ତେରଗଁା ପଞ୍ଚାୟତର ୩ ମହିଳା ଖେଳାଳୀ ସସ୍ମିତା ସେନାପତି, ସ୍ମୃତିରୂପା ମଲ୍ଲିକ ଓ ଲକ୍ଷ୍ମୀପ୍ରିୟା ବେହେରା କ୍ରିକେଟ ପାଇଁ ନୂଆ ଚେହେରା। ଆଳି ଫୁଟବଲ ଟିମ୍ ସଦସ୍ୟ ଜାତୀୟ ଆର୍ନ୍ତଜାତୀୟ ଖେଳାଳୀ। ଏହାସତ୍ତ୍ୱେ କେନ୍ଦ୍ରାପଡ଼ା ଜିଲାରେ କ୍ରୀଡ଼ା ଭିତ୍ତିଭୂମୀ ଦୁର୍ବଳ ଥିବାରୁ ବହୁ ପ୍ରତିଭା ବିକଶିତ ହୋଇପାରୁ ନାହାନ୍ତି ା ଜିଲାର ଏହିପରି ପ୍ରତିଭାଙ୍କ କ୍ରୀଡ଼ା ଜଗତରେ ନିଜର ଦକ୍ଷତା ପ୍ରତିପାଦନ ପାଇଁ ଅପେକ୍ଷା ଥିବା ବେଳେ ଏନେଇ ପ୍ରଶାସନର ନଜର ରହୁନାହିଁ ା ଏପରି ପ୍ରତିଭାକୁ ବିକଶିତ ପାଇଁ ସହରର ସାରଙ୍ଗ ଠାରେ ନିର୍ମାଣ ହୋଇଥିବା ବିଜୁ ପଟ୍ଟନାୟକ ଷ୍ଟାଡିୟମ ଅପରାଧୀଙ୍କ ଆଡାସ୍ଥଳୀ ପାଲଟିଛି ା ଏଠାରେ ଘସି ଗୋବର ଶୁଖା ଯାଉଥିବା ବେଳେ ଧାନ ଅମଳ ଖଳା ଭାବେ ବ୍ୟବହୃତ ହେଉଛି ା କୋଟିଏ ଟଙ୍କା ବ୍ୟୟରେ ନିର୍ମିତ ଏହି ଷ୍ଟାଡିୟମରେ ଗତ ୧୫ ବର୍ଷରେ ଥରେ ମଧ୍ୟ ପ୍ରତିଯୋଗିତା ହୋଇନାହିଁ ା ସରକାରୀ ପ୍ରୋତ୍ସାହନ ଓ ରାସ୍ତା ସମସ୍ୟା ଷ୍ଟାଡିୟମରେ ଖେଳ ପାଇଁ ପ୍ରତିବନ୍ଧକ ବୋଲି କ୍ରୀଡାପ୍ରେମୀ ମତ ଦେଇଛନ୍ତି ା
ଆଥ୍ଲେଟିକ କୋଚ୍ ସେକ ସୌକତ ଅଲି, କ୍ରୀଡା ଶିକ୍ଷକ ଜ୍ୟୈାତିର୍ମୟ ଦାସ, କ୍ରୀଡାବିତ ହାଡିବନ୍ଧୁ ସିଂହ ପ୍ରମୁଖ କହିଛନ୍ତି, କେନ୍ଦ୍ରାପଡ଼ା ଜିଲାର କ୍ରୀଡ଼ା ପ୍ରତିଭା ଦେଶ ବିଦେଶରେ ନିଜର ପାରଦର୍ଶିତା ଦେଖାଇଛନ୍ତି ା ସେ ଫୁଟବଲ ହେଉ କି ଆଥ୍ଲେଟିକ ପ୍ରତ୍ୟେକ ଖେଳରେ ମନୋନିବେଶ କରିଥାନ୍ତି ା ଏହାକୁ ଦୃଷ୍ଟିରେ ରଖାଯାଇ ସହରର ସାରଙ୍ଗଠାରେ ୯ ଏକର ଜମିରେ ବିଜୁ ପଟ୍ଟନାୟକ ଷ୍ଟାଡିୟମ ୧୯୯୩ ମେ ୧୦ରେ ଶିଳାନ୍ୟାସ ହୋଇଥିଲା ା ପ୍ରାୟ କୋଟିଏ ଟଙ୍କା ବ୍ୟୟରେ ନିର୍ମିତ ଏହି ଷ୍ଟାଡିୟମରେ କ୍ରିକେଟ, ଭଲିବଲ, ଫୁଟବଲ, କବାଡି, ଆଥ୍ଲେଟିକ, ବାସ୍କେଟବଲ, ଖୋଖୋ ଆଦି ଖେଳ ପାଇଁ ଉପଯୁକ୍ତ ଭିତ୍ତିଭୂମୀ ସୃଷ୍ଟି ହୋଇଥିଲା ା ଏପରି କି ଏଠାରେ ଭଲିବଲ, ଫୁଟବଲ, ଆଥ୍ଲେଟିକ ଟ୍ରାକ ରହିବା ସହିତ ଏହି ଷ୍ଟାଡିୟମରେ ପ୍ରାୟ ୨ ହଜାର ଦର୍ଶକଙ୍କ ପାଇଁ ଗ୍ୟାଲେରି ନିର୍ମାଣ ହୋଇଛି ା ସେହିପରି ଖେଳାଳି ଓ ଖେଳ ସରଞ୍ଜମ ପାଇଁ ଗୃହ ନିର୍ମାଣ ହୋଇଛି ା ୨୦୦୮ଫେବୃୟାରୀ ୧୭ ରେ ତତ୍କାଳୀନ ପୂର୍ତ୍ତଓ ଗୃହ ନିର୍ମାଣ ମନ୍ତ୍ରୀ ଅନଙ୍ଗ ଉଦୟ ସିଂହଦେଓ ଏହାକୁ ଉଦ୍ଘାଟନ କରିଥିଲେ। ତେବେ ଏହି ଷ୍ଟାଡିୟମ ପାଇଁ ଉପଯୁକ୍ତ ରାସ୍ତା, ବିଦ୍ୟୁତ୍, ପାନୀୟ ଜଳ ଆଦିର ସୁବନ୍ଦୋବସ୍ତ ହୋଇ ପାରି ନ ଥିବାରୁ ଦୀର୍ଘ ୧୫ ବର୍ଷ ଧରି ଅବହେଳିତ ଭାବେ ପଡିରହିଛି ା ଏଠାରେ ଅଦ୍ୟାବଧି କୌଣସି ଖେଳ ପ୍ରତିଯୋଗିତା ଆୟୋଜିତ ହୋଇ ପାରି ନ ଥିବା ବେଳେ କ୍ରୀଡା ପ୍ରତିଭାଙ୍କୁ ଏଠାରେ ଖେଳ ପାଇଁ ପ୍ରୋତ୍ସାହିତ କରାଯାଇ ପାରୁନାହିଁ ା ଫଳରେ ଷ୍ଟାଡିୟମ ଅପନ୍ତରା ଭାବେ ପଡି ରହିବା ସହ ଅସାମାଜିକ ଲୋକଙ୍କ ଆଡାସ୍ଥଳୀ ପାଲଟିଛି ା ଜିଲାର କ୍ରୀଡା ପ୍ରତିଭାଙ୍କ ବିକାଶ ପାଇଁ ଗଣ୍ଡାକିଆ ରାସ୍ତାରୁ ଷ୍ଟାଡିୟମ ପାଇଁ ସ୍ବତନ୍ତ୍ର ରାସ୍ତା ବ୍ୟବସ୍ଥା ହେବା ଆବଶ୍ୟକ। ଏହା ବ୍ୟତୀତ ଷ୍ଟାଡିୟମର ମରାମତି ସହ ପ୍ରଶିକ୍ଷକ ନିଯୁକ୍ତି ହେଲେ କ୍ରୀଡାର ବିକାଶ ହୋଇ ପାରିବ ବୋଲି ସେମାନେ ମତ ଦେଇଛନ୍ତି ା ଏସମ୍ପର୍କରେ ଜିଲା କ୍ରୀଡ଼ା ଅଧିକାରୀ ଲୋକନାଥ ପାଣିଗ୍ରାହୀ କହିଛନ୍ତି, ଷ୍ଟାଡିୟମର ମରାମତି ପାଇଁ ଅର୍ଥ ଅନୁଦାନ ମିଳିଛି ା ଏଥିରେ ପାଚେରୀ ମରାମତି ସହ ଅନ୍ୟାନ୍ୟ କ୍ଷେତ୍ରରେ ଉନ୍ନତୀକରଣ ହୋଇଛି ା ପାଣି ଓ ବିଜୁଳି ବ୍ୟବସ୍ଥା କରାଯାଉଛି ା ଏକ କ୍ରୀଡ଼ା ହଷ୍ଟେଲ ନିର୍ମାଣ ମଞ୍ଜୁରୀ ଅପେକ୍ଷାରେ ଅଛି ା ଏହାଦ୍ୱାରା କ୍ରୀଡା ପ୍ରତିଭା ବିକଶିତ ହେବ ବୋଲି ସେ ମତ ଦେଇଛନ୍ତି।