ସୋରଡ଼ା,୧୭ା୪(ଡି.ଏନ୍.ଏ.): ସୋରଡ଼ାରେ ବିଜୁବାବୁଙ୍କ ୨୫ତମ ଶ୍ରାଦ୍ଧଦିବସ ସ୍ଥାନୀୟ ଦଳୀୟ କାର୍ଯ୍ୟାଳୟରେ ଅନୁଷ୍ଠିତ ହୋଇଯାଇଛି। ବିଧାୟକ ପୂର୍ଣ୍ଣଚନ୍ଦ୍ର ସ୍ବାଇଁ, ଅଧ୍ୟକ୍ଷ ଶିବଶଙ୍କର ପଣ୍ଡାଙ୍କ ସମେତ ଦଳୀୟ କର୍ମୀମାନେ ଯୋଗଦେଇଥିଲେ। ସକାଳୁ ବୁଦ୍ଧଲିଙ୍ଗେଶର ମନ୍ଦିର ନିକଟ ଋଷିକୁଲ୍ୟା, ଜରଉ ନଦୀ ସଙ୍ଗମସ୍ଥଳରେ ତିଳତର୍ପଣ କରଯାଇଥିଲା। ପରେ ପ୍ରଭାତ ଫେରି,ଗଣିଛକସ୍ଥିତ ବିଜୁବାବୁ ମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ,ସାମୁହିକ ସଫେଇ ଅଭିଯାନ ଓ ଦୀପଦାନ କରଯାଇଥିଲା। ବ୍ଲକ ବିଜେଡି ସଭାପତି ବସନ୍ତ ସ୍ବାଇଁଙ୍କ ସମେତ ସରପଞ୍ଚ,ଜିଲା ପରିଷଦମାନେ ଯୋଗଦେଇଥିଲେ।