ଦାରିଙ୍ଗବାଡି,୩୧।୧୦(ଡି.ଏନ୍.ଏ.): କନ୍ଧମାଳ ଜିଲା ଦାରିଙ୍ଗବାଡ଼ି ଥାନା କିରିକୁଟି ପଞ୍ଚାୟତ ପଟାଙ୍ଗି ଗ୍ରାମ ନିକଟରେ ସୋମବାର ଏକ ବାଇକ୍-କାର ମୁହାଁମୁହିଁ ଧକ୍କା ହୋଇଛି। ଏଥିରେ ବାଇକ୍ ଚାଳକ ଗୁରୁତର ହୋଇପଡ଼ିଛନ୍ତି। ତେବେ ଏପର୍ଯ୍ୟନ୍ତ ତାଙ୍କ ପରିଚୟ ମିଳିପାରିନାହିଁ। ଦୁର୍ଘଟଣା ପରେ ଘଟଣାସ୍ଥଳରୁ କାର ଚାଳକଙ୍କୁ ମେଡିକାଲରେ ପହଞ୍ଚାଇବା ବଦଳରେ ଗୁରୁତର ଅବସ୍ଥାରେ ତାଙ୍କୁ ଛାଡ଼ି କାର ଧରି ଫେରାର ହୋଇଯାଇଥିଲେ। ତେବେ ସେଠାକାର ଲୋକ ସିମନବାଡି ଗ୍ରାମକୁ ଫୋନ କରି ଉକ୍ତ କାରକୁ ଅଟକାଇବାକୁ ସୂଚନା ଦେଇଥିଲେ। ସିମନବାଡି ବାସିନ୍ଦା ଦୁର୍ଘଟଣା ଘଟାଇଥିବା କାର (ନଂ.ଓଡି-୦୨ବିଟି-୩୩୭୭)କୁ ଅଟକାଇ ପୋଲିସକୁ ଖବର ଦେଇଥିଲେ।
ପଟାଙ୍ଗି ଗ୍ରାମବାସୀ ବାଇକ୍ ଚାଳକଙ୍କୁ ଉଦ୍ଧାର କରି ଏକ ଅଟୋରେ ମେଡିକାଲ ନେଉଥିଲେ। ହେଲେ ସିମନବାଡିରେ ଦୁର୍ଘଟଣା ଘଟାଇ ଅଟକ ଥିବା କାରରେ ପୋଲିସ ତାଙ୍କୁ ମଡିକାଲ ନେଇଥିବା ଜଣାପଡିଛି। ପୋଲିସ ଘଟଣାର ତଦନ୍ତ ଚଳାଇଛି। ସୂଚନାଯୋଗ୍ୟ, କାରଟି ବାଲିଗୁଡ଼ାରୁ ଦାରିଙ୍ଗବାଡି ଆସୁଥିବ ବେଳେ ଏହି ଦୁର୍ଘଟଣା ଘଟିଛି।
