ଝାରସୁଗୁଡା ଅଫିସ୍,୨୦।୧୧: ଝାରସୁଗୁଡ଼ା ଜିଲା କୋଲାବିରା ଥାନା ଅଧୀନ ୪୯ନମ୍ବର ଜାତୀୟ ରାଜପଥ ପୋଖରାସାଲେ ମହିକାନୀ ଛକ ନିକଟରେ ରବିବାର ଏକ ଟ୍ରକ୍ ଧକ୍କାରେ ଜଣେ ବାଇକ୍ ଚାଳକଙ୍କ ମୃତ୍ୟୁ ଘଟିଛି। ବାଇକ୍କୁ ଧକ୍କାଦେଇ ଟ୍ରକ୍ ଫେରାର୍ ହୋଇଯାଇଛି। ହେଲେ ଦୁର୍ଘଟଣା ସ୍ଥଳରେ ପଡିଥିବା ଟ୍ରକ୍ର ଓଡି ୦୯ଏକ୍ସ ୩୯୧୨ ନମ୍ବର ପ୍ଲେଟ୍କୁ ପୋଲିସ ଜବତ କରି ତଦନ୍ତ ଚଳାଇଛି।
ପ୍ରକାଶ ଯେ, ଟ୍ରକ୍ ଧକ୍କାରେ ବାଇକ୍ ଚାଳକ ଗୁରୁତର ଆହତ ହୋଇଥିଲେ। ତାଙ୍କୁ କୋଲାବିରା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ମୃତ ବାଇକ୍ ଚାଳକ ଜଣଙ୍କ ହେଲେ ଠର୍କିମାଲ ଗ୍ରାମର ରବି ପିଙ୍ଗ(୪୭)। ସୋମବାର ମୃତଦେହ ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ଆଇଆଇସି ସୁକୁମାର ତ୍ରିପାଠୀ କହିଛନ୍ତି। ଏନେଇ ମୃତକଙ୍କ ପରିବାର ଲୋକଙ୍କ ଅଭିଯୋଗକୁ ଭିତ୍ତିକରି ପୋଲିସ କୋଲାବିରା ଥାନାରେ ଏକ ମାମଲା (ନଂ. ୧୭୮/୨୨) ରୁଜୁ କରିଛି। ଦୁର୍ଘଟଣାଗ୍ରସ୍ତ ଓଡି ୨୩ ଜେ ୫୦୫୨ବାଇକ୍କୁ ପୋଲିସ୍ ଜବତ କରିଛି।