କୋକସରା,୮।୧(ଡି.ଏନ୍.ଏ): କଳାହାଣ୍ଡି ଜିଲା କୋକସରା ବ୍ଲକ କାଉଡୋଳାରୁ ବଡପୋଡ଼ାଗୁଡାକୁ ସଂଯୋଗ କରୁଥିବା ରାସ୍ତା ବାଞ୍ଜିବାହାଲ ନିକଟରେ ଏକ ବାଇକ୍ ଦୁର୍ଘଟଣାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ସେ ହେଲେ ଆମପାଣି ପଞ୍ଚାୟତ ଡୁମେର ବାହାଲ ଗ୍ରାମର ଭାସ୍କର ମାଝୀ(୩୪)।
ମିଳିଥିବା ସୂଚନା ମୁତାବକ, ଭାସ୍କର ଶନିବାର ରାତିରେ କାଉଡୋଳାରୁ ଆମପାଣି ଯାଉଥିଲେ। ହେଲେ ବାଞ୍ଜିବାହାଲ ନିକଟରେ ବାଇକ୍ଟି ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିଲା। ଫଳରେ ଭାସ୍କର ବାଇକ୍ରୁ ଛିଟିକି ବିଲରେ ପଡ଼ିଥିଲେ। ରବିବାର ପୋଲିସ ମୃତଦେହ ଜବତ କରି ବ୍ୟବଚ୍ଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି। ଏନେଇ ଆମପାଣି ଥାନାରେ ଏକ ଦୁର୍ଘଟଣା ମାମଲା(ନଂ.୨/୨୩) ରୁଜୁ ହୋଇଥିବା ଏସ୍ଆଇ ରାଜେଶ ପରିଡ଼ା ସୂଚନା ଦେଇଛନ୍ତି।