ବ୍ରହ୍ମପୁର ଅଫିସ,୮ା୭: ବଡବଜାର ଥାନା ପୋଲିସ ଦୁଇ ଚୋରି ବାଇକ୍ ଜବତ କରିବା ସହ ୨ ଲୁଟେରାଙ୍କୁ ଗିରଫ କରିଛି। ସେମାନେ ହେଲେ ସାଗର ପଣିଗ୍ରାହୀ ଓ ପିଣ୍ଟୁ ସେଠୀ। ଉଭୟଙ୍କୁ କୋର୍ଟ ଚାଲାଣ କରାଯାଇଛି। ପ୍ରେମନଗରରେ ରହୁଥିବା ରବିନାରାୟଣ ପାଢୀଙ୍କ ବାଇକ (ଓଡ଼ି୦୭ଏସ-୨୯୧୧) ତାଙ୍କ ଘର ସମ୍ମୁଖରୁ ଚୋରି ହୋଇଥିଲା। ଏ ନେଇ ସେ ଥାନାରେ ଏକ ଅଭିଯୋଗ କରିଥିଲେ। ପୋଲିସ ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଥିଲା। ପୋଲିସ ସିସିଟିଭି ଫୁଟେଜରୁ ଦୁଇ ଅଭିଯୁକ୍ତଙ୍କୁ କାବୁ କରିଥିଲା। ଜେରା ପରେ ଲୁଟେରାଙ୍କ ଠାରୁ ଅନ୍ୟ ଏକ ଚୋରା ବାଇକ୍ ଜବତ ହୋଇଛି। କିଛିଦିନ ତଳେ ଏମ୍କେସିଜି ମେଡିକାଲ ପରିସରରୁ ସେମାନେ ଏହି ବାଇକ୍ ଚୋରି କରିଥିବା ପୋଲିସ ଆଗାରେ ସ୍ବୀକାର କରିଛନ୍ତି।