ନୂଆଦିଲ୍ଲୀ,୨।୬: ଆଇପିଏଲ୍ ୨୦୧୮ରେ ଚେନ୍ନାଇ ସୁପରକିଙ୍ଗ୍ସ(ସିଏସ୍କେ) ପାଇଁ ଖେଳିଥିଲେ ଇଂଲଣ୍ଡ ଉଇକେଟକିପର ବ୍ୟାଟ୍ସମ୍ୟାନ୍ ସାମ ବିଲିଙ୍ଗସ୍। ଏବେ ସେ ଅଧିନାୟକ ମହେନ୍ଦ୍ର ସିଂହ ଧୋନୀଙ୍କ ପ୍ରଶଂସାରେ ଶତମୁଖ ହୋଇଛନ୍ତି। ଭାରତରେ କ୍ରିକେଟ ଏବଂ ଧୋନୀଙ୍କ ପୂଜା କରାଯାଏ ବୋଲି ସେ କହିଛନ୍ତି।
ସିଏସ୍କେରେ ଥିବା ବେଳେ ବିଲିଙ୍ଗସ୍ ଦେଶରେ ଏବଂ ବିଶେଷକରି ଚେନ୍ନାଇରେ ଧୋନୀଙ୍କ ପ୍ରଶଂସକଙ୍କୁ ଦେଖି ଚକିତ ହୋଇଥିଲେ। କ୍ୟାପ୍ଟେନ୍ କୁଲଙ୍କ ସହ ଡ୍ରେସିଂ ରୁମ୍ ଶେୟାର କରିବାର ଅନୁଭବ ବିଷୟରେ ସେ ଏକ ସାକ୍ଷାତକାରରେ କହିଛନ୍ତି, ଚେନ୍ନାଇରେ ରହିବା ସମୟରେ ଧୋନୀଙ୍କ ନେତୃତ୍ୱରେ ଖେଳିବା ଏବଂ ତାଙ୍କ ଜୀବନକୁ ଅତି ନିକଟରୁ ଦେଖିବାର ସମ୍ମାନ ମିଳିଥିଲା। ସେ ପ୍ରତିଦିନକୁ ବଞ୍ଚିବାରେ ବିଶ୍ୱାସ କରନ୍ତି। ତାଙ୍କୁ ଦେଖିବାରେ ସମୟ ଅତିବାହିତ ହୋଇଯାଏ। ଉକ୍ତ ଅନୁଭୂତି ଚମତ୍କାର ଅଟେ। ତାଙ୍କର ବହୁତ ପ୍ରଭାବ ରହିଛି। ଭାବି ନିଅନ୍ତୁ ଯେ ଲୋକମାନେ ଧୋନୀଙ୍କ ପୂଜା କରିଥାନ୍ତି ବୋଲି ସେ କହିଛନ୍ତି।
ଏହାଛଡ଼ା କ୍ରିକେଟ ଭାରତୀୟଙ୍କ ଦୈନନ୍ଦିନ ଜୀବନର ଏକ ପ୍ରମୁଖ ଅଂଶ। ଭାରତରେ କ୍ରିକେଟ ଖେଳିବା ସୁନ୍ଦର ଅନୁଭୂତି। କାରଣ ସେଠାକାର ଲୋକେ କ୍ରିକେଟକୁ ଗୁରୁତ୍ୱ ଦିଅନ୍ତି। ଖେଳାଳି ଏବଂ ପ୍ରଶଂସକର ଅନୁଭବ ସେଠାରେ କରିପାରିବେ। ଇଂଲଣ୍ଡର କୌଣସି ବ୍ୟକ୍ତି କ୍ରିକେଟକୁ ପସନ୍ଦ କରନ୍ତି ନାହିଁ ବୋଲି କହିପାରିବେ। ହେଲେ ଭାରତୀୟମାନେ ସମ୍ପୂର୍ଣ୍ଣ ରୂପେ କ୍ରିକେଟକୁ ପସନ୍ଦ କରିଥାନ୍ତି ବୋଲି ସେ କହିଛନ୍ତି।