ଲିମା,୮।୨ : ପେରୁରେ ଏଚ-୫-ଏନ-୧ ବାର୍ଡ ଫ୍ଲୁରେ ୫୮୫ ସିଲ୍ ଏବଂ ୫୫,୦୦୦ ପକ୍ଷୀଙ୍କୁ ମୃତ୍ୟୁ ଘଟିଛି। ସର୍ନପ ପ୍ରାକୃତିକ କ୍ଷେତ୍ର ସଂରକ୍ଷଣ ଏଜେନ୍ସି ଫିଲିପାଇନ୍ସର ମିଡିଆ ଏବିଏସ-ସିବିଏନ ନ୍ୟୁଜକୁ ଏହି ସୂଚନା ଦେଇଛି।
ସର୍ନପ ପ୍ରାକୃତିକ କ୍ଷେତ୍ର ସଂରକ୍ଷଣ ଏଜେନ୍ସି କହିଛି ଯେ ଆଠଟି ସଂରକ୍ଷିତ ଉପକୂଳବର୍ତ୍ତୀ ଅଞ୍ଚଳରେ ରେଞ୍ଜରମାନେ ଏସବୁ ମୃତ ପକ୍ଷୀ ପାଇଛନ୍ତି। ରେଞ୍ଜରଙ୍କ ଅନୁସନ୍ଧାନରୁ ଜଣାପଡିଛି ଯେ ସେ ପକ୍ଷୀ ଫ୍ଲୁରେ ମୃତ୍ୟୁ ବରଣ କରିଛନ୍ତି। ସାତଟି ସଂରକ୍ଷିତ ଅଞ୍ଚଳରେ ମୃତ ସିଲଙ୍କୁ ଦେଖିବାକୁ ମିଳିଛି। ସର୍ନାପ ଏକ ବିବୃତ୍ତିରେ କହିଛି ଯେ ମୃତ ପକ୍ଷୀମାନଙ୍କ ମଧ୍ୟରେ ପେଲିକାନ, ବିଭିନ୍ନ ପ୍ରକାରର ଅନ୍ୟ ପକ୍ଷୀ ଏବଂ ପେଙ୍ଗୁଇନ ଆଦି ରହିଛନ୍ତି।
ଲାବୋରେଟୋରୀ ପରୀକ୍ଷଣ ମଧ୍ୟ ମୃତ ସିଲଙ୍କଠାରେ ଏଚ-୫-ଏନ-୧ର ଉପସ୍ଥିତି ନିଶ୍ଚିତ କରିଛି । ପେରୁର ଜାତୀୟ ଜଙ୍ଗଲ ଏବଂ ବନ୍ୟପ୍ରାଣୀ ସେବା ସମୁଦ୍ର କୂଳରେ ପଡ଼ିଥିବା ମୃତ ସିଲ ଏବଂ ସମୁଦ୍ର ପକ୍ଷୀମାନଙ୍କ ଠାରୁ ଦୂରେଇ ରହିବାକୁ ଲୋକଙ୍କୁ ଅନୁରୋଧ କରିଛି। ଏହା ସହିତ ସେମାନଙ୍କର ଗୃହପାଳିତ ପଶୁମାନଙ୍କୁ ସେଠାରୁ ଦୂରରେ ରଖିବାକୁ ମଧ୍ୟ ଅନୁରୋଧ କରାଯାଇଛି।