ବେଳେବେଳେ ଲୋକଙ୍କ ସହ ଏମିତି କିଛି ଘଟଣା ଘଟିଥାଏ ଯାହା ସେ କେବେ ସ୍ବପ୍ନରେ ଭାବି ନ ଥିବେ। କିଛି ଘଟଣା ପାଇଁ ମଣିଷ ନିଜେ ହିଁ ଦାୟୀ ହୋଇଥାଏ। ଏବେ ସେମିତି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି। ଯାହାକୁ ନେଇ ଖୁବ୍ ଚର୍ଚ୍ଚା।
ଭିଡିଓରେ ସ୍ପଷ୍ଟ ଭାବେ ଦେଖାଯାଉଛି ଦୁଇ ଯୁବତୀ ଏକ ପାର୍କରେ ବସିଛନ୍ତି। ତାଙ୍କ ପାଖରେ ମୋବାଇଲ, କିଛି ଖାଦ୍ୟ ସାମଗ୍ରୀ ଏବଂ ଟଙ୍କା ଭର୍ତ୍ତି ଥିବା ଏକ ପର୍ସ ରଖିଛନ୍ତି। ଏହି ସମୟରେ ଏକ ସାମୁଦ୍ରିକ ପକ୍ଷୀ ଆସି ପହଞ୍ଚି ଯାଉଛି। ପକ୍ଷୀଟି ସେମାନଙ୍କ ପାଖରେ ବସିଥିବାର ଦେଖି ଉଭୟ ମଜା କରିବା ଆରମ୍ଭ କରନ୍ତି। କିନ୍ତୁ ପରବର୍ତ୍ତୀ ମୁହୂର୍ତ୍ତରେ ପକ୍ଷୀଟି ରଖାଯାଇଥିବା ପର୍ସଟିକୁ ଥଣ୍ଟରେ ଧରି ଉଡ଼ିଯାଉଛି। ଏହା ପରେ ଯୁବତୀ ତାଙ୍କ ପଛରେ ଗୋଡ଼ାଉଛନ୍ତି। କିନ୍ତୁ ପକ୍ଷୀକୁ ସେ ପିଛା କରି ପାରୁନାହାନ୍ତି। ପକ୍ଷୀଟି ପର୍ସ ନେଇ ଦୂରକୁ ଉଡ଼ିଯାଉଛି। ବିଚରା କାନମୁଣ୍ଡ ଆଉଁସି ଯୁବତୀ ଜଣକ ରହିଲେ।
ଏହି ଭିଡିଓ ଦେଖିଲେ ଗୋଟିଏ କଥା ସ୍ପଷ୍ଟ ହେଉଛି ନିଜେ ଟିକେ ଦାୟିତ୍ୱହୀନ ହେଲେ ଏମିତି ଭୋଗିବାକୁ ପଡ଼ିଥାଏ। ତେଣୁ ଯେଉଁଠି ବସନ୍ତୁ ନା କାହିଁକି ନିଜ ଜିନିଷ ପ୍ରତି ଧ୍ୟାନ ରଖନ୍ତୁ। ଅନେକ ଲୋକ ଏହି ଭିଡିଓଟିକୁ ସୋସିଆଲ ମିଡିଆରେ ଶେୟାର କରିଛନ୍ତି। ୟୁଜରମାନେ ଭିନ୍ନ ଭିନ୍ନ ପ୍ରତିକ୍ରିୟା ମଧ୍ୟ ଦେଇଛନ୍ତି।