ଭୁବନେଶ୍ୱର,୩୧ା୧୨: ମାସ୍ବାଦକର ଅଟୋଲାଇନ୍ ପ୍ରାଇଭେଟ୍ ଲିମିଟେଡ୍ର ସହଯୋଗୀ ସଂସ୍ଥା ବିର୍ଲା ଆଗ୍ରୋ ମେଶିନ ପକ୍ଷରୁ ଏକ ସ୍ବତନ୍ତ୍ର କାର୍ଯ୍ୟକ୍ରମର ଆୟୋଜନ କରାଯାଇଥିଲା। ଏପରିକି ଶୁକ୍ରବାର ସ୍ଥାନୀୟ କଟକରୋଡ୍ସ୍ଥିତ ଏକ ହୋଟେଲ ପରିସରରେ ଦିନିକିଆ ରାଜ୍ୟସ୍ତରୀୟ ଡିଲର ମିଟ୍ ସାଙ୍ଗକୁ ନୂତନ ଉତ୍ପାଦ ଉନ୍ମୋଚନ କରାଯାଇଥିଲା। ବିଶେଷକରି ବିର୍ଲା ଆଗ୍ରୋ ମେଶିନର ନୂତନ ଉପତ୍ାଦ ‘ପାୱାର ୱେଡ୍ର ବିଏଏମ୍ ୭୩୨ଜି’ର ଉନ୍ମୋଚନ କରାଯାଇଥିଲା। ଏପରିକି ମାସ୍ବାଦକର ଅଟୋଲାଇନ୍ ପ୍ରାଇଭେଟ୍ ଲିମିଟେଡ୍ର ଏମ୍ଡି ନିନାଦ ଶାହ, ବିର୍ଲା ଆଗ୍ରୋ ମେଶିନର ମାର୍କେଟିଂ ମୁଖ୍ୟ ସାଜ୍ଜନ ସଇନି ଏବଂ ଜୟ କିଷାନ ଏଗ୍ରି ସଲ୍ୟୁସନ୍ର ସିଇଓ କଳ୍ପତରୁ ସାହୁଙ୍କ ଉପସ୍ଥିତିରେ ନୂଆ ମେଶିନ୍ ଓ ଟୁଲ୍ସକୁ ଉନ୍ମୋଚନ କରାଯାଇଥିଲା। ଏହି ଅବସରରେ କମ୍ପାନୀ ପକ୍ଷରୁ ‘ମିସନ୧୦୦୦’ ନାମକ ଏକ ସେଲ୍ସ ପ୍ରତିଯୋଗିତାର ଫଳାଫଳ ସମ୍ପର୍କରେ ଘୋଷଣା କରାଯାଇଥିଲା। ଉକ୍ତ ଉତ୍ପାଦଗୁଡିକ ମୁଖ୍ୟତଃ ଓଡ଼ିଶାର କୃଷକମାନଙ୍କ ପାଇଁ ପ୍ରସ୍ତୁତି କରାଯାଇଛି। ଏପରିକି ଏଠାକାର କୃଷକଙ୍କୁ ଯେଉଁସବୁ ସୁବିଧା ଆବଶ୍ୟକ ତାହାକୁ ଦୃଷ୍ଟିରେ ରଖି ଏଭଳି ଯନ୍ତ୍ରପାତି ତିଆରି କରାଯାଇଛି। ଏହି ପରିପ୍ରେକ୍ଷୀରେ ବିର୍ଲା ଆଗ୍ରୋ ମେଶିନ ପକ୍ଷରୁ ଏକ ଅଲ୍ ଓଡ଼ିଶା ଡିଲର ମିଟ୍ ସହ କୃଷି ଯାନ୍ତ୍ରିକୀକରଣ କର୍ମଶାଳାର ଆୟୋଜନ କରାଯାଇଥିଲା। ଏହି ଅବସରରେ ଓଡ଼ିଶା ସରକାରଙ୍କ କୃଷି ଓ ଖାଦ୍ୟ ଉପତ୍ାଦନ ବିଭାଗର ମୁଖ୍ୟଯନ୍ତ୍ରୀ ଇଂ ରାଜେନ୍ଦ୍ର ବେସରା ମୁଖ୍ୟ ଅତିଥି ଭାବେ ଯୋଗଦେଇ କୃଷି ଯାନ୍ତ୍ରିକୀକରଣର ବିଭିନ୍ନ ଦିଗ ଉପରେ ବିସ୍ତୃତ ଆଲୋକପାତ କରିଥିଲେ। ସେହିଭଳି କୃଷି ବିଭାଗର ସହକାରୀ କାର୍ଯ୍ୟନିର୍ବାହୀ ଯନ୍ତ୍ରୀ କେ.ଏସ୍. ଚନ୍ଦ୍ରଶେଖର, ନୂଆଦିଲ୍ଲୀ ସାମାଜିକ,ଅର୍ଥନୈତିକ ଅଧ୍ୟୟନ କେନ୍ଦ୍ରର ପରାମର୍ଶଦାତା ଅକ୍ଷୟ କୁମାର ସାହୁ ଏବଂ ଜୟ କିଷାନ ଏଗ୍ରି ସଲ୍ୟୁସନ୍ସର ସିଇଓ କଳ୍ପତରୁ ସାହୁ ପ୍ରମୁଖ ସମ୍ମାନିତ ଅତିଥି ଭାବେ ଯୋଗଦେଇ କୃଷି ଓ କୃଷି ଯନ୍ତ୍ରପାତି ସମ୍ପର୍କିତ ବିଭିନ୍ନ ପ୍ରସଙ୍ଗ ଉପରେ ବିସ୍ତତ ମତ ଉପସ୍ଥାପନ କରିଥିଲେ।
ଉଲ୍ଲେଖଯୋଗ୍ୟ, ଉକ୍ତ କାର୍ଯ୍ୟକ୍ରମରେ କମ୍ପାନୀର ବହୁ ବରିଷ୍ଠ ଅଧିକାରୀ ଓ କର୍ମଚାରୀଙ୍କ ସମେତ ରାଜ୍ୟର ବିଭିନ୍ନ ସ୍ଥାନରୁ ଆସିଥିବା ଶତାଧିକ ଡିଲର ମଧ୍ୟ ଅଂଶଗ୍ରହଣ କରିଥିଲେ। ଏପରିକି କାର୍ଯ୍ୟକ୍ରମରେ ଉପସ୍ଥିତ ଡିଲରମାନଙ୍କୁ ନୂଆ ମେଶିନ୍ ଓ ଟୁଲ୍ସଗୁଡିକର ବିଭିନ୍ନ ଦିଗ ଏବଂ ଲାଭ ବିଷୟରେ ଅବଗତ କରାଯାଇଥିଲା। ପରିଶେଷରେ ବିକ୍ରି କ୍ଷେତ୍ରରେ ଉଲ୍ଲେଖନୀୟ ପ୍ରଦର୍ଶନ କରିଥିବା ଡିଲରମାନଙ୍କୁ ସାର୍ଟିଫିକେଟ ଏବଂ ମେମେଣ୍ଟୋ ଦେଇ ସମ୍ବର୍ଦ୍ଧିତ କରାଯାଇଥିଲା।