ଜଣେ ମହିଳା କରୋନା ଭୂତାଣୁରେ ପୀଡ଼ିତ ଥିବାବେଳେ ଏକ କନ୍ୟା ସନ୍ତାନକୁ ଜନ୍ମ ଦେଇଛନ୍ତି। କିନ୍ତୁ ମହିଳା ଜଣକ ଭୁଲି ଯାଇଛନ୍ତି ଯେ, ସେ ସଂକ୍ରମିତ ହେବା ପୂର୍ବରୁ ଗର୍ଭବତୀ ଥିଲେ ବୋଲି। ଏପରି ଏକ ବ୍ୟତିକ୍ରମ ଦେଖିବାକୁ ମିଳିଛି ଆମେରକାର ବ୍ରୁକଲିନ୍ ସହରରେ ରହୁଥିବା ୩୫ ବର୍ଷୀୟା ସିଲ୍ଭିୟା ଲିରୟଙ୍କ କ୍ଷେତ୍ରରେ। ସିଲ୍ଭିୟା ପେସାରେ ଜଣେ ନର୍ସ। ମାର୍ଚ୍ଚ ଶେଷରେ ସେ କରୋନାରେ ପୀଡ଼ିତ ହୋଇ ୨୮ ସପ୍ତାହ ଅର୍ଥାତ୍ ୧୯୬ ଦିନର ଗର୍ଭବତୀ ଥିଲେ। ତେଣୁ ତାଙ୍କୁ ଡାକ୍ତରଖାନାରେ ଭର୍ତ୍ତି କରିବାକୁ ପଡ଼ିଥିଲା।
କରୋନା ଚିକିତ୍ସା ସମୟରେ ଭେଣ୍ଟିଲେଟରରୁ ବାହାର କରାଯିବା ପରେ ମହିଳା ଜଣକ ହୃଦ୍ଘାତରେ ଆକ୍ରାନ୍ତ ହୋଇଥିଲେ। ପରେ, ଯେତେବେଳେ ସ୍ଥିତିରେ ସୁଧାର ଆସିଲା, ସେ ‘C’ ବିଭାଗ ଜରିଆରେ ପ୍ରିମାଚ୍ୟୁୟର କନ୍ୟା ସନ୍ତାନ ଜନ୍ମ ଦେଇଥିଲେ। ପ୍ରାୟ ୪ ମିନିଟ୍ ପର୍ଯ୍ୟନ୍ତ ଅକ୍ସିଜେନ୍ ଅଭାବରୁ ସିଲ୍ଭିୟା ମସ୍ତିଷ୍କରେ ଆଘାତ ପାଇଥିଲେ। ଫଳରେ ସେ ତାଙ୍କର ସ୍ମୃତିଶକ୍ତି ହରାଇ ବସିଥିଲେ। କୋମାରୁ ବାହାରିବା ପରେ ସିଲ୍ଭିୟାଙ୍କ ମନେ ନାହିଁ ଯେ ସେ ଗର୍ଭବତୀ ଥିଲେ। ଅନ୍ୟପକ୍ଷରେ ତାଙ୍କ ଝିଅକୁ ବର୍ତ୍ତମାନ ୩ ମାସ ହେଲାଣି।
ଏକ ରିପୋର୍ଟ ଅନୁଯାୟୀ, ସିଲଭିୟାଙ୍କ ଭଉଣୀ ଶିର୍ଲି କହିଛନ୍ତ, ସେ ବର୍ତ୍ତମାନ ବହୁତ କମ୍ କହୁଛନ୍ତି। ଗର୍ଭବତୀ ଥିବା ତାଙ୍କ ଭଉଣୀଙ୍କର ମନେ ନାହିଁ। ଏଥିସହିତ ପରିବାର ଲୋକଙ୍କୁ ସାହାଯ୍ୟ କରିବା ପାଇଁ ଗୋଫଣ୍ଡ୍ମ ଅଭିଯାନ ଆରମ୍ଭ କରାଯାଇଛି। ଯାହାଦ୍ୱାରା ଲୋକମାନେ ନର୍ସଙ୍କ ପୂର୍ବାବସ୍ଥା ଫେରି ଆସିବା ପାଇଁ ସହାୟତା କରୁଛନ୍ତି। ଏପର୍ଯ୍ୟନ୍ତ ପ୍ରାୟ ୭ କୋଟି ଟଙ୍କା ଲୋକେ ଦାନ କରିସାରିଲେଣି।
